گاڤ

گەلەک کەس شرینکەرێن دەستکرد دخۆن و مالپەرەک پێنج ژ زیانێن وان شرینکەران بۆ ساخلەمیێ دیار دکەت.

شرینکەرێن دەستکرد وەک بزاڤەکێ بۆ کێمکرنا بکارئینانا شەکرێ ژ لایێ گەلەک کەسان ڤە دهێنە بکارئینان ژ بەرکو زیانێن وێ ژ یێن شەکرێ کێمترن، لێ وێ ژى زیانێن خۆ هەنە.

ل گۆرەى مالپەرێ Health Shots؛ پێنج زیانێن سەرەکى یێن شرینکەرێن دەستکرد ئەڤێن ل خوارێ نە:

1. زیان گەهاندن ب کریارا مێتابۆلیزمێ: هندەک لێکۆلینان دیارکرینە کو پەیوەندیەک دناڤبەرا خوارنا شرینکەرێن دەستکرد و ژدەستدانا بالانسا مێتابۆلیزمێ (گوهۆڕینا خوارنێ بۆ وزەیێ دا هەیە) و ئەڤ چەندە مەترسیا ژدەستدانا برێڤەبرنا دروست بۆ کێشا لەشى و نەخۆشیا شەکرێ زێدە دکەت.

2. زیان گەهاندن ب رویڤیکان: شرینکەرێن دەستکرد دبنە ئەگەرێ گوهۆڕینا پێکهاتەیا زیندەوەرێن ورد د رویڤیکان دا و ڤێ چەندى کارتێکرنەکا نەرێنى ل سەر هەرسکرنێ، مێتابۆلیزمێ و ساخلەمیێ ب گشتى هەیە.

3. زێدەبوونا کالۆریان: شرینکەرێن دەستکرد دبنە ئەگەرێ حەزەکا زێدەتر بۆ شرینیێ و خوارنێن گەلەک کالۆرى تێدا و ئەڤ چەند کێمکرنا کێشا لەشى ب زەحمەت دکەت.

4. سەرئێشان: هندەک شرینکەرێن دەستکرد وەکى ئەسپارتام د هندەک حالەتان دا سەرئێشانێ زێدە دکەن.

5. زیان گەهاندن ب ساخلەمیا دلى: بکارئینانا شرینکەرێن دەستکرد بۆ دەمێن درێژ دبیتە ئەگەرێ نەخۆشیێن دلى و بۆریێن خوینێ هەروەسا بلندبوونا فشارا خوینێ، لێ ڤێ چەندێ پێدڤى ب لێکۆلینێن پتر هەیە.