سه‌ربه‌ست له‌زگین به‌حس ل كۆمبوونه‌كا گرنگ یا پارتى و ئێكه‌تیێ دكه‌ت
بەلاڤ بکە
گاڤ
سه‌ربه‌ست له‌زگین، ئه‌ندامێ مه‌كته‌با سیاسى یا پارتى بۆ گاڤ رادگه‌هینیت، كۆمبوونه‌كا باش دناڤبه‌را سه‌رۆكێ هه‌رێمێ، سه‌رۆكێ حكومه‌تێ و هشیار زیبارى ل گه‌ل سه‌رۆكێ ئێكه‌تیێ و قوباد تاله‌بانى هاتیه‌كرن و كۆمبوونه‌كا باش بوویه.
سه‌ربه‌ست له‌زگین، ئه‌ندامێ مه‌كته‌با سیاسى یا پارتى بۆ گاڤ گۆت: پشتى كۆنگره‌یێ ئێكه‌تیێ رهوشهكا دى ده‌ستپێكریه و تا نوكه وان سه‌ره‌دان كرینه و كۆمبوونه‌كا به‌رفره‌هـ ل سه‌ر ئاستێ مه‌كته‌بێن سیاسى هاتیه‌كرن و كۆمبوون باش بوویه.
هه‌روه‌سا ئاشكراكر، كۆمبوونه‌ك د بازنه‌‌ه‌كا ته‌نگ تر دا هاتیه‌كرن كو سه‌رۆكێ هه‌رێمێ و سه‌رۆكێ حكومه‌تێ وه‌ك جێگرێن سه‌رۆكێ پارتى و هشیار زێبارى و هه‌روه‌سا ژ ئالیێ ئێكه‌تیێ ژى ڤه بافل تاله‌بانى و قوباد تاله‌بانى د وێ كۆمبوونێ دا پشكدار بووینه و ئاشكراكر، پڕانیا وان ئاماژه‌یێن باشن بۆ لێكتێگه‌هتشنێن باشتر.
له‌زگین دیاركر، چ كێشه نینن چاره نه‌بن وه‌ك سه‌رۆكێ هه‌رێمێ گۆتى و ئێكرێزیا كوردان به‌رێ بنیاتى یه و پارتى هه‌رده‌م ل وى ئاراسته‌یى دچیت و ده‌رگه‌هێ پارتى ڤه‌كریه و ده‌ستپێشخه‌رى هه‌رده‌م ژ ئالیێ پارتى ڤه هاتینه راگه‌هاندن و دوپاتكر، رهوشهكا باشتر هه‌یه.
ل دۆر بڕیارێن دادگه‌ها فیدرالى ژى دازانین، دادگه‌ها فیدرالى دهێته بكارئینان و بڕیارێن سیاسى ژێ ده‌ردكه‌ڤن و بڕیارێن دادگه‌ها فیدرال د به‌رژه‌وه‌ندا ئیراقێ بخۆ ژى دا نینن و زێده‌تر كێشه‌یان ئالۆز دكه‌ت و بڕیارێن وێ سیاسى نه.
