سوبەهی ل پەرلەمانێ ئیراقێ دێ ناڤێن بەربژارێن شوینگریا حەلبووسی هێنە نڤیسین
بەلاڤ بکە
گاڤ
بریارە سوبەهی پەرلەمانێ ئیراقێ د روینشتنەکا نەئاسایی دا دەرگەهێ خۆ بەربژارکرنێ بۆ شوینگریا حەلبووسی ڤەکەت و تا نوکە دیار نینە دێ چەند کەس بەربژار بن.
هەرچەندە تا نوکە بریارا دادگەها فیدرال یا لادانا محەمەد حەلبووسی، سەرۆکێ پەرلەمانێ ئیراقێ نەگەهشتیە پەرلەمانی، لێ ل گۆرەی مەدیایێن ئیراقی، سوبەهی پەرلەمان دێ روینشتنەکا نەئاسایی کەت و د وێ روینشتنێ دا دێ دەرگەهێ خۆ بەربژارکرنێ بۆ سەرۆکاتیا پەرلەمانی هێتە ڤەکرن.
تا نوکە دیار نینە دێ چەند کەس خۆ بۆ وی پۆستی بەربژار کەن، لێ ل گۆرەی ئەو تەوافقا ل ئیراقێ هەی، پۆستێ سەرۆکێ پەرلەمانی پشکا پێکهاتەیا سوننی یە و دبیت فراکسیۆنا سیادە یا خەمیس خەنجەری بەربژار هەبن.
پشتی بریارا دادگەها فیدرال وەسا هاتبوو راگەهاندن کو ژبلی مایتێکرنێن ناڤخۆ، تورکیا و ئیرانێ ژی پەیوەندی ب سەرکردەیێن سوننی و شیعی یێن ئیراقێ کرینە و هەردو وەلات دخوازن ئەو کەسێ دبیتە سەرۆکێ پەرلەمانی، نە ل دژی بەرژەوەندیێن وان بیت.
