گاڤ

کاردینال مار لویس ساکۆ، پاتریارکێ کلدانان ل ئیراق و جیهانێ سیستەمێ علمانێ یێ جوداکرنا ئاینی ژ دەولەتێ ب باشترین سیستەمێ حوکمرانیێ بۆ ئیراقێ ل قەلەم دا و داخوازا گوهۆڕینان د دەستووری ژی دا کر.

لویس ساکۆ د کۆربەندێ ئاشتی و ئاسایشا رۆژهەلاتا ناڤین دا ل دهۆکێ گۆتارەک پێشکێشکر و تێدا گۆت: پێدڤیە دوەلەتا دیمۆکراسی یا مەدەنی کو پێگریێ ب وەلاتیبوون و رێزگرتنێ ل ماف و شارستانیەت و ئاین و تائیفەیان بکەت، بهێتە دامەزراندن.

هەروەسا گۆت: "سیستەمێ علمانی باشترین سیستەمە بۆ ئیراقێ نەک سیستەمێ تائیفی، پێڤدیە ئاین ژ دەولەتێ بهێتە جوداکرن و وەلاتیبوون و مافێن مرۆڤی بهێنە پاراستن، لێ ب مخابنی ڤە ئەڤ تشتە ل ئیراقێ نەهاتە دیتن، ئەڤ پرۆژەیە ب ساناهیترە ل هەرێما کوردستانێ بهێتە بجهئینانا کو پێشتر چەندین گاڤ ژی هاڤێتینە و هەرێمێ نموونەیا پێکڤەژیانێ پاراستیە.

پاتریارکێ کلدانان ل ئیراق و جیهانێ داخوازکر دەستوورێ ئیراقێ بهێتە گوهاڕتن و تێدا ئاین ژ دەولەتێ بهێتە جوداکرن.