ئێكه‌تیا ته‌پاپێى یا ئیراقێ ره‌ت دكه‌ت پاره‌یێن ئاكنجیبوونا راهێنه‌رێ ئیراقێ نه‌هاتبنه‌ دان

بەلاڤ بکە

گاڤ

ئێكه‌تیا ته‌پاپێى یا ئیراقێ ره‌تكر كو پاره‌یێن ئاكنجیبوونا خێسۆس كاساس راهێنه‌رێ هه‌لبژارتیێ ئیراقێ و هاریكارێن وى بۆ ده‌مێ شه‌ش هه‌یڤان نه‌هاتبنه‌ دان.

ئێكه‌تیا ته‌پاپێى یا ئیراقێ د به‌یانه‌كێ دا ئه‌ڤرۆ چارشه‌مبیێ راگه‌هاند كو هه‌مى پاره‌یێن تایبه‌ت ب ئاكنجیبوونا راهێنه‌رێ هه‌لبژارتیێ ئیراقێ و هاریكارێن وى بۆ ده‌مێ شه‌ش هه‌یڤێن ته‌مام هاتینه‌ دان.

هه‌ر د به‌یانێ دا ئێكه‌تیا ته‌پاپێى داخواز ژ ده‌زگه‌هێن راگه‌هاندنێ كر كو د هویربین و بابه‌تیانه‌ بن د ڤه‌گوهاستنا زانیاریان و پشتراستبوونێ ژێ به‌رى به‌لاڤكرنا وان د ده‌زگه‌هێن راگه‌هاندنێ دا.

دیار ژى كریه‌ "ئێكه‌تیا ته‌پاپێى ب راستگۆیى ل گه‌ل هه‌مى لایه‌نان كار دكه‌ت یێن به‌رى نوكه‌ گرێبه‌ست ل گه‌ل ئه‌نجامداین ژ وان ژى گرێبه‌ستێن كرێیان یێن گرێداى ئاكنجیبوونا ده‌سته‌یا راهێنه‌رێن ئسپانى و هه‌مى كۆژمه‌یێن پاره‌ى به‌رى نوكه‌ و بۆ ده‌مێ شه‌ش هه‌یڤێن ته‌مام هاتینه‌ دان".

زێدەتر دەربارەی