گواردیۆلا: راسته قهیران ههیه لێ دێ چارهسهریێ بۆ بینین
بەلاڤ بکە
گاڤ
راهێنهرێ مانچێستهر ستى دانپێدان ب وێ چهندێ كر كو یانه د قهیرانێ دایه و پێدڤیه ئهو چارهسهریێ بۆ ببینیت.
یانهیا مانچێستهر ستى پشتى دۆڕاندنێ ل گهل ئهستۆن ڤێلا ب 0-1 بۆ رێزا چارێ د خۆلا ئنگلترا دا پاشڤهزڤڕیه، بهرى وێ دۆڕاندنێ ژى مان ستى د سێ یاریێن بهرى وێ دا ل گهل چێلسى، توتێنهام و لیڤهرپۆل وهكههڤ ببوو و ب 6 خالان ژ یانهیا ئهرسینال سهركێشا خۆلێ دویركهفتیه.
ئهڤه جارا ئێكێ یه ههر ژ نیسانا سالا 2017 ل وهرزێ ئێكێ یێ گواردیۆلاى ل گهل تیمێ كو بۆ 4 یاریان ل دویڤ ئێك مانچێستهر ستى نهشیاى سهركهفتنێ تۆمار بكهت.
گواردیۆلاى دانپێدان ب وێ چهندێ كر كو ئهو پێدڤی ب دیتنا چارهسهریێ یه ژ بۆ دهركهفتنێ ژ قهیرانا نوكه و گۆت "د سالێن بۆرى دا، مه رێكهك بۆ تۆماركرنا سهركهفتنێ دیتبوو، پێدڤیه ئهم د نوكه دا چارهسهریهكێ ببینین".
زێده ژى كر "بهرپرسیارا منه چارهسهریهكێ ببینم".
دويركهفتنا رۆدرى و دی برۆین یاریكهرێن هێلا ناڤین د یاریێن بۆرى دا ب ئێك ژ ئهگهرێن ئهنجامێن خراب یێن یانهیێ دهێته هژمارتن وهكى دهزگههێن میدیایى ئاماژهپێكرین.
