چین بهایێ ڤیزه‌یێ بۆ ئیراقیان ئه‌رزان دكه‌ت

بەلاڤ بکە

گاڤ

بالیۆزخانه‌یا چینێ ل به‌غدا ئه‌ڤرۆ ئه‌ینیێ ئه‌رزانكرنا ره‌سمێن ڤیزه‌یێ بۆ ئیراقیان هه‌ر ژ رۆژا دوشه‌مبیا بهێت هه‌تا دویماهیا سالا 2024 راگه‌هاند.

چینێ ئه‌رزانكرنا ره‌سمێن ڤیزه‌یێ بۆ ئیراقیان هه‌ر ژ رۆژا 11/12/2023 هه‌تا رۆژا 31/12/2024 راگه‌هاند.

دیار ژى كریه‌؛ سه‌باره‌ت داخوازیێن وه‌رگرتنا ڤیزه‌یێ یێن به‌رى رۆژا 11ى ڤێ هه‌یڤێ هاتینه‌ پێشكێشكرن، ڤیزه‌ دێ هه‌ر ب بهایێن به‌رێ هێته‌ دان.

بهایێن نوى یێن بالیۆزخانه‌یا چینێ ل ئیراقێ بۆ ئیراقیان راگه‌هاندین ب ڤى ره‌نگى نه‌:

- ڤیزه‌یا چوونا جاره‌كێ بۆ چینێ: 38 دۆلار

- ڤیزه‌یا چوونا دو جاران: 56 دۆلار

- ڤیزه‌یا چوونێ بۆ ژماره‌یه‌كا جاران بۆ ده‌مێ نیڤ سالێ: 75 دۆلار

- ڤیزه‌یا چوونێ بۆ ژماره‌یه‌كا جاران بۆ ده‌مێ ساله‌كێ: 113 دۆلار

- ڤیزه‌یا ب كۆم: 30 دۆلار

زێدەتر دەربارەی