گاڤ

وه‌زیرێ سه‌درى ره‌تكر كو ره‌وتێ سه‌در په‌یوه‌ندى ب وێ هێرشێ ڤه‌ هه‌بیت ئه‌وا شڤێدى ل سه‌ر بالیۆزخانه‌یا ئه‌مریكا ل به‌غدا هاتیه‌ كرن و دیاركر كو ئه‌گه‌ر وان هێرش ئه‌نجامدابا دا وێ چه‌ندێ راگه‌هینن.

سالح محه‌مه‌د ئیراقى یێ ناسیار ب وه‌زیرێ سه‌درى ل ئه‌ڤ شه‌ڤه‌ دیاركر "پاراستنا بالیۆزخانه‌یان ژ ئه‌ركێن حكومه‌تێ یه‌ ئه‌گه‌ر حكومه‌تێ ئه‌رك هه‌بن".

گۆت ژى "ئه‌گه‌ر ره‌وتێ سه‌در هێرشا ل سه‌ر بالیۆزخانه‌یا ئه‌مریكا كربا دا وێ چه‌ندێ راگه‌هینیت".

ئاماژه‌ ب وێ چه‌ندێ ژى كر "ئه‌و هه‌مى كارێن رویدده‌ن شه‌ڕه‌كێ هه‌لبژارتنایه‌ دناڤبه‌را گه‌نده‌لان دا".

وه‌زیرێ سه‌درى هوشداریه‌ك ژى دا وان لایه‌نێن ب گه‌نده‌ل بناڤكرین و گۆت "ئه‌گه‌ر هوین ڤه‌گه‌ڕیانه‌ڤه‌ بۆ دره‌وێن خۆ و دوروییاتیا خۆ، بێده‌نگیا مه‌ به‌رده‌وام نابیت".