گاڤ

زنجیره‌یا موبایلێن سامسۆنگ گالاكسى S24 شیایه‌ ده‌ستپێكه‌كا سه‌رنجراكێش تۆمار بكه‌ت و داخوازیه‌ك مه‌زن ل سه‌ر هه‌یه‌ و ب تایبه‌ت ل كۆریا باشوور و هندێ و هۆله‌ندا.

سامسۆنگێ ل هه‌یڤا بۆرى موبایلێن گالاكسى S24 و گالاكسى S24 پله‌س و گالاكسى S24 ئه‌لترا به‌رده‌ستكربوون.

مالپه‌رێ Revegnus ل سه‌ر تۆڕا ئێكس دیاركریه‌ "به‌رى نوكه‌ سامسۆنگێ پێشبینیا فرۆشتنا 12 ملیۆن دانه‌یان ژ سامسۆنگ گالاكسى S24 د چارێكا ئێكێ یا ئه‌ڤ ساله‌ 2024 دا كربوو، لێ پشكا شڕۆڤه‌كرنا بازاران و فرۆشتنێ یا سامسۆنگێ ئه‌ڤ پێشبینیه‌ ژ بۆ 13 ملیۆن دانه‌یان بلندكر".

وى ژێده‌رى دیار ژى كریه‌؛ سه‌ركه‌فتنێن موبایلێن گالاكسى S24 بووینه‌ ئه‌گه‌رێ سه‌رسۆرمانێ بۆ كۆمپانیا سامسۆنگێ.

به‌رى نوكه‌ هنده‌ك راپۆرتان دیاركربوون كو موبایلا گالاكسى S24 ئه‌لترا سه‌رنجراكێشترین موبایله‌ بۆ كڕینا پێشوه‌خت د بازاران دا ل كۆریا باشوور و هندێ.