فیفا ل دۆر سزایێ كارتا شین د یاریێن ته‌پاپێى دا هاته‌ ده‌نگ

بەلاڤ بکە

 

گاڤ
ئێكه‌تیا ته‌پاپێى یا نێڤده‌وله‌تى ره‌تكر كو یاسادانه‌رێن وێ سزایه‌كێ نوى د یاریا ته‌پاپێى دا ئه‌و ژى كارتا شینه‌ زێده‌كربن.
رۆژنامه‌یا تێلێگراف یا بریتانى د راپۆرته‌كێ دا دیاركربوو كو یاسادانه‌رێن ته‌پاپێى د جڤاتا ئێكه‌تیا ته‌پاپێى یا نێڤده‌وله‌تى دا IFAB نزیكه‌ دێ ده‌ست ب گشتاندنا تاقیكرنا بكارئینانا كارتا شین د یاریا ته‌پاپێى دا كه‌ن.
ئاماژه‌ ب وێ چه‌ندێ ژى كربوو كو ل وى ده‌مى دێ كارتا شین ب یاریكه‌ره‌كى هێته‌ دان ئه‌گه‌ر فاوله‌كا ته‌كتیكى بكه‌ت یان نه‌رازیبوونا خۆ ژ بڕیاره‌كا دادڤانى دیار بكه‌ت.
وێ رۆژنامه‌یێ زێده‌ ژى كربوو "ده‌مێ یاریكه‌ره‌ك كارتا شین وه‌ردگریت سزایێ وى ئه‌وه‌ بۆ ده‌مێ 10 خۆله‌كان دێ ژ یاریگه‌هێ ده‌ركه‌ڤیت و ده‌مێ دو كارتێن شین د یاریێ دا وه‌ردگریت، دێ كارتا سۆر وه‌رگریت و ب ته‌مامى ژ یاریێ ده‌ركه‌ڤیت".
خۆیا ژى كربوو كو ئه‌ڤ تاقیكرنه‌ ل ده‌ستپێكێ د قاره‌مانیێن مه‌زن دا ناهێته‌ تاقیكرن.
فیفا ئه‌ڤرۆ ئه‌ینیێ د به‌یانه‌كێ دا ره‌تكر كو راستیه‌ك بۆ زێده‌كرنا سزایێ كارتا شین د یاریێن ته‌پاپێى یێن بژاره‌ دا هه‌بیت و دوپاتكر كو هێشتا زوى یه‌ بۆ ڤى بابه‌تى.
فیفایێ دیار ژى كر "هه‌ر تاقیكرنه‌كا ژ ڤى جۆرى، ئه‌گه‌ر بهێته‌ بجهئینان، پێدڤیه‌ ل ده‌ستپێكێ ل ئاستێن نزمتر بهێته‌ تاقیكرن و فیفا دێ گه‌نگه‌شه‌یا ڤێ چه‌ندێ د خشته‌یێ كارى یێ IFAB دا ل 2ى ئادارێ كه‌ت".

زێدەتر دەربارەی