هه‌لبژارتیێ قه‌ته‌ر بۆ جارا دوێ ل دویڤ ئێك بوو قاره‌مانا ئاسیا

بەلاڤ بکە

 

 

گاڤ

هه‌لبژارتیێ قه‌ته‌ر ئه‌ڤ شه‌ڤه‌ ب ئه‌نجامێ 3-1 سه‌ركه‌فتن ل سه‌ر ئوردنێ تۆماركر و بۆ جارا دوێ ل دویڤ ئێك بوو قاره‌مانا جاما ئاسیا پشتى ناسناڤێ سالا 2019.

د یاریا دویماهیێ یا جاما ئاسیا دا ل یاریگه‌ها لوسێل ل ده‌وحه‌ پایته‌ختێ قه‌ته‌رێ، هه‌لبژارتیێ قه‌ته‌ر ب ئه‌نجامێ 3-1 سه‌ركه‌فتن ل سه‌ر ئوردنێ تۆماركر و ناسناڤێ جاما ئاسیا بده‌ستڤه‌ئینا.

هه‌ر سێ گۆلێن قه‌ته‌رێ ژ لایێ ئه‌كره‌م عه‌فیف ڤه‌ ب سێ لێدانێن پێنالتیان ل خۆله‌كێن 22 و 73 و 95 هاتنه‌ تۆماركرن و گۆلا ئوردنێ ژ لایێ یه‌زن نه‌عیمات ڤه‌ ل خۆله‌كا 67 هاته‌ تۆماركرن.

هاترێكا ئه‌كره‌م عه‌فیفى ئێكه‌م هاترێك بوو د قاره‌مانیێ دا و ئێكه‌م هاترێك بوو د یاریا دویماهیێ د دیرۆكا جاما ئاسیا دا، هه‌روه‌سا بۆ جارا ئێكێ یه‌ د دیرۆكا قاره‌مانیێ دا سێ لێدانێن پێنالتیان د یاریا دویماهیێ دا بۆ هه‌لبژارتیه‌كێ بهێنه‌ هژمارتن.

ئه‌كره‌م عه‌فیف ب هاترێكا ئه‌ڤ شه‌ڤه‌ بوو باشترین گۆلكه‌رێ قاره‌مانیێ ب 8 گۆلان و ئه‌یمه‌ن حسێن هێرشبه‌رێ ئیراقێ ب 6 گۆلان ل رێزا دوێ هات.

هه‌روه‌سا ئه‌كره‌م عه‌فیفى خه‌لاتێ باشترین یاریكه‌ر ژى د قاره‌مانیێ دا بده‌ستڤه‌ئینا.

 

زێدەتر دەربارەی