نوشداره‌ك: ڤه‌خوارنا سێ كۆپێن چایا كه‌سك رۆژانه‌ بۆ ساخله‌میا مێشكى ب مفایه‌

بەلاڤ بکە

 

 

گاڤ

زانایێن زانكۆیا لیدز ل بریتانیا ئاشكرا كرینه‌ كو پێكهاته‌یه‌ك د چایا كه‌سك دا هه‌یه‌ ساخله‌میا مێشكى ب هێز دكه‌ت و مه‌ترسیا تووشبوونێ ب نه‌خۆشیا ژبیركرنێ كێم دكه‌ت هه‌روه‌سا نوشداره‌كێ دیاركر كو ڤه‌خوارنا سێ كۆپێن چایا كه‌سك رۆژانه‌ ساخله‌میا مێشكى ب هێزتر لێدكه‌ت.

مالپه‌رێ Daily Express ژ زانایێن زانكۆیا لیدز ڤه‌گوهاستیه‌ "ڤه‌خوارنا چایا كه‌سك ب شێوه‌یه‌كێ رێكخستى د شیان دایه‌ ساخله‌میا مێشكى ب هێزتر بكه‌ت و ره‌نگه‌ بۆ پاراستنا مرۆڤى ژ تووشبوونێ ب نه‌خۆشیا ژبیرچوونێ هاریكار بیت".

نوشدار ئێدوارد ئوكێلۆ ژ زانكۆیا نیۆكاسل گۆت "ڤه‌خوارنا سێ كۆپێن چایا كه‌سك رۆژانه‌ یێن دناڤبه‌را 200 بۆ 250 ملیلتران دا كارتێكرن ل سه‌ر ساخله‌میا مێشكى هه‌یه‌".

نوشدار مایكل موسلى ژى دیاركر "ڤه‌خوارنا چایا كه‌سك د شیان دایه‌ ژماره‌یه‌كا مفایێن ساخله‌میێ په‌یدا بكه‌ت و نه‌ ب تنێ پاراستن ژ نه‌خۆشیا ژبیرچوونێ".

ب شێوه‌یه‌كێ گشتى، ڤه‌خوارنا چایا كه‌سك ژماره‌یه‌كا مفایێن ساخله‌میێ وه‌كى كێمكرنا مه‌ترسیا تووشبوونێ ب په‌نجه‌شێرێ و نه‌خۆشیێن دلى هه‌روه‌سا كێمكرنا كولیسترۆلێ و كێمكرنا كێشا له‌شى و ژماره‌یه‌كا دى یا مفایان هه‌یه‌.

 

زێدەتر دەربارەی