ئایفۆن 14 پرۆ ماكس پڕفرۆشترین موبایل بوو ل جیهانێ د سالا 2023 دا

بەلاڤ بکە

 

 

گاڤ

سازیه‌كا لێكۆلینێن بازارى راگه‌هاند كو ئایفۆن 14 پرۆ ماكس پڕفرۆشترین موبایل بوو ل جیهانێ د سالا 2023 دا.

ل گۆره‌ى سازیا Canalys؛ ئه‌پل 34 ملیۆن دانه‌ ژ ئایفۆن 14 پرۆ ماكس د سالا 2023 دا فڕۆشتینه‌ و ئه‌و پڕفرۆشترین موبایل بوو د وێ سالێ دا.

هه‌روه‌سا موبایلا ئایفۆن 15 پرۆ ماكس كو ل هه‌یڤا سێپته‌مبه‌را سالا 2023 كه‌فتبوو د بازاران دا ل رێزا دوێ وه‌ك دوه‌م پڕفرۆشترین موبایل ل جیهانێ د سالا 2023 دا هات كو 33 ملیۆن دانه‌ ژێ هاتبوونه‌‌ فرۆشتن.

ل دویڤ دا هه‌ر ئێك ژ ئایفۆن 14 و ئایفۆن 14 پرۆ هاتن كو 29 ملیۆن دانه‌ ژ هه‌ر ئێك ژ وان د وێ سالێ دا هاتبوونه‌ فرۆشتن.

پاشى موبایلا ئایفۆن 13 هات كو 23 ملیۆن دانه‌ ژێ د سالا 2023 دا هاتبوونه‌‌ فرۆشتن.

ب ڤێ چه‌ندێ، موبایلێن كۆمپانیا ئه‌پل ل هه‌ر پێنج رێزێن ده‌ستپێكێ وه‌ك پڕفرۆشترین موبایل ل جیهانێ هاتن.

 

 

زێدەتر دەربارەی