گاڤ

وه‌زاره‌تا كار و كاروبارێن جڤاكى 9 ده‌لیڤه‌یێن كارى ب شێوه‌یێ گرێبه‌ست ل پارێزگه‌ها دهۆكێ راگه‌هاندن.

پشتى وه‌رگرتنا رازه‌مه‌ندیێ ژ سه‌رۆكاتیا جڤاتا وه‌زیران، وه‌زاره‌تا كار و كاروبارێن جڤاكى 9 ده‌لیڤه‌یێن كارى ب شێوه‌ی گرێبه‌ست وه‌ك مامۆستا بۆ په‌یمانگه‌ها هیوا یا نابینان و رۆناهى یا نابینان ل پارێزگه‌ها دهۆكێ راگه‌هاندن.

مه‌رجێن پێشكێشكرنێ

• پێدڤیه‌ داخوازكار ئاكنجیێ ده‌ڤه‌رداریا دهۆكێ بیت
• باوه‌رنامه‌یا ( به‌كالۆریۆس)ێ ب بسپۆریا ( زانست، مۆزیك، ئه‌ره‌بى، كوردى، بیركارى، ته‌كنه‌لۆژیا زانیاریان و ئینگلیزى) هه‌بیت.
• داخازكا‌رێ فۆرمێ، نابیت ل كه‌رتێ گشتی دامه‌زراندى بیت.
• پێدڤیه ته‌مه‌نێ وى دناڤبه‌را (24 بۆ 35) سالیێ دا بیت.
• به‌رى فۆرمه‌ بهێنه‌ به‌لاڤكرن ب دو رۆژان وه‌لاتى دێ هێنه ‌ئاگه‌هداركرن.
• به‌لاڤكرنا فۆرمان بتنێ دێ بۆ ئێك رۆژ بیت.
• داخوازكا‌رێ فۆرمێ پێدڤیه‌ كۆپیه‌كێ ژ باوه‌رنامێ، كارتا زانیاریا یان كارتا نیشتمانى ل گه‌ل خۆ بینیت.
• جهێ به‌لاڤكرنا فۆرمان رێڤه‌به‌ریا چاڤدێریا كێم ئه‌ندامان ل تاخێ ئێتیتێ ل دهۆكێ.
• ل ده‌مژمێر 9 سپێدێ تا 2 پشتى نیڤرۆ ل رۆژا سێشه‌مبێ رێكه‌فتى 13/2/2024 داخوازكار دشێت فۆرمێ وه‌رگریت.
• ڤه‌گه‌ڕاندنا فۆرمان ژ ئالیێ داخوازكاری ڤه‌ دێ ل رۆژا 20/2/2024 بۆ رێڤه‌به‌ریا چاڤدێریا كێم ئه‌ندامان بیت.