گاڤ

ژماره‌یه‌كا ئه‌گه‌ران وه‌كى سیسته‌مێ خوارنێ و زێده‌بوونا كێشا له‌شى و هنده‌ك ده‌رمان دبنه‌ ئه‌گه‌رێ په‌یدابوونا به‌ركێن گولچیسكان و هنده‌ك رێكێن سرۆشتى بۆ چاره‌سه‌ریا به‌ركێن گولچیسكان هه‌نه‌.

مالپه‌رێ Healthline هنده‌ك رێكێن سرۆشتى بۆ چاره‌سه‌ریا به‌ركێن گولچیسكان دیاركرینه‌.

ل گۆره‌ى وى مالپه‌رى، ڤه‌خوارنا رێژه‌یه‌كا باش یا ئاڤێ بۆ خۆپاراستنێ ژ به‌ركێن گولچیسكان هه‌روه‌سا چاره‌سه‌ریا وێ یا گرنگه‌.

دیار ژى كریه‌؛ پێدڤیه‌ مرۆڤ رۆژانه‌ دو لترێن ئاڤێ ژ بۆ سنوورداركرنا په‌یدابوونا به‌ركێن گولچیسكان ڤه‌خۆت.

هه‌روه‌سا ئاماژه‌ ب وێ چه‌ندێ كریه‌ "ڤه‌خوارنا شه‌ربه‌تێن لیمۆن، كه‌ره‌فس، به‌قده‌نووسێ و ریحانێ ژ تشتێن گرنگ بۆ كێمكرنا مه‌ترسیا تووشبوونێ ب به‌ركێن گولچیسكان هه‌روه‌سا ژناڤبرنا به‌ركێن بچویك د گولچیسكان دا دهێته‌ هژمارتن، ئه‌ڤ چه‌نده‌ ژ به‌ر هه‌بوونا مادده‌یا سیترات تێدا كو دروستبوونا به‌ركێن گولچیسكان سنووردار دكه‌ت و كار ل سه‌ر ژناڤبرنا وان دكه‌ت".

هه‌روه‌سا راپۆرته‌كا وى مالپه‌رى دوپاتى ل سه‌ر گرنگیا ڤه‌خوارنا شه‌ربه‌تا هنارێ كریه‌، ئه‌ڤ چه‌نده‌ ژ به‌ر هه‌بوونا دژه‌ئۆكسانان تێدا كو ساخله‌میا گولچیسكان دپارێزن و سنووره‌كێ بۆ دروستبوونا به‌ركێن گولچیسكان ددانن.

ب شێوه‌یه‌كێ گشتى و ل گۆره‌ى پسپۆران، ڤه‌خوارنا رێژه‌یه‌كا باش یا ئاڤێ، خوارنا فێقى و كه‌سكاتیان و ئه‌نجامدانا وه‌رزشێ بۆ خۆپاراستنێ ژ به‌ركێن گولچیسكان و چاره‌سه‌ریا وێ یا گرنگه‌.