گاڤ

ئیراقێ د ده‌هـ هه‌یڤان دا ب بهایێ 7.2 ملیار دۆلاران به‌رهه‌م و كه‌لوپه‌ل ژ ئیرانێ هاورده‌كرینه‌ و ب ڤێ چه‌ندێ ل رێزا ئێكێ د رێزبه‌ندیا هاورده‌كارێن به‌رهه‌مێن ئیرانى دا هات.

لژنه‌یا گه‌شه‌پێدانا بازرگانیێ یا ئیرانى ئه‌ڤرۆ ئێكشه‌مبیێ راگه‌هاند "قه‌باره‌یێ بازرگانیا نه‌یا په‌ترۆلێ دناڤبه‌را ئیرانێ و 15 وه‌لاتان دا د ده‌هـ هه‌یڤان دا هه‌ر ژ ئادارا سالا بۆرى هه‌تا كانوینا دوێ یا ئه‌ڤ ساله‌ گه‌هشتیه‌ 49 ملیار و 831 مليۆن و 871 هزار دۆلاران".

ديار ژى كریه‌ "ئیرانێ د وى ده‌مى دا ب بهایێ 23 ملیار و 150 ملیۆن و 438 هزار دۆلاران كه‌لوپه‌ل هنارده‌ كرینه‌ و ب بهایێ 26 ملیار و 681 ملیۆن و 388 هزار و 465 دۆلاران كه‌لوپه‌ل هاورده‌ كرینه‌".

ژ بۆ هاورده‌كرنا كه‌لوپه‌لێن ئیرانى د ده‌مێ ده‌هـ هه‌یڤان دا، ئیراق ل رێزا ئێكێ هات ب بهایێ 7.2 ملیار دۆلاران، ل دویڤ دا ئیمارات ل رێزا دوێ ب بهایێ 5.2 ملیار دۆلاران و توركیا ل رێزا سیێ ب بهایێ 3.5 ملیار دۆلاران هاتن.