گاڤ

پۆلیسێن زاخۆ راگه‌هاند، شڤێدى كه‌سه‌كى ل نێزیك یاریگه‌ها زاخۆ یا نێڤده‌وله‌تى ته‌قه‌یا هه‌ره‌مه‌كى كریه‌ و هاتیه‌ ده‌سته‌سه‌ركرن.

پۆلیسێن زاخۆ د راگه‌هاندنه‌كێ دا دیاركر، شڤێدى ل ده‌مژمێر ئێكى پشتى نیڤا شه‌ڤێ تۆمه‌تبارێ داخوازكرى (ز.ح.ع) ب شێوه‌یه‌كێ هه‌ره‌مه‌كى ته‌قه‌ ل سه‌ر جادده‌یا سه‌ره‌كى یا یاریگه‌ها زاخۆ یا نێڤده‌وله‌تى كریه‌ و ئێكسه‌ر پۆلیسێن پشكا هاوارهاتنێ ئه‌و كه‌س ده‌سته‌سه‌ركریه‌.

پۆلیس دبێژن: هه‌مان كه‌س به‌ریا چه‌ند رۆژه‌كان دو جاران ته‌قه‌یا هه‌ره‌مه‌كى د ناڤا ترومبێله‌كێ دا كریه‌ و فه‌رمانا ده‌سته‌سه‌ركرنا وى ده‌رچوویه‌.

هه‌روه‌سا دیاركرینه‌، به‌ریا چه‌ند رۆژان ده‌ست ب سه‌ر ترومبێلا وى ل گه‌ل چه‌ندین چه‌كێن كلاشینكۆفن ده‌بانجه‌ و نارنجووك دا هاتیه‌ گرتن و ل گۆڕه‌یى قانوونێ دێ لێكۆلین ل گه‌ل به‌رده‌وام بیت.