یه‌حیا ره‌سوول: كۆمبوونێن ل گه‌ل هه‌ڤپه‌یمانان بۆ دوماهى ئینانێ یه‌ ب ئه‌ركێ وان ل ئیراقێ

بەلاڤ بکە

گاڤ

فه‌رمانده‌یا گشتى یا هێزێن چه‌كدارێن ئیراقێ ناڤه‌ڕۆكا كۆمبوونا خۆ ل گه‌ل هه‌ڤپه‌یمانیا نێڤده‌وله‌تى یا دژى داعشێ ئاشكراكر و راگه‌هاند، خشته‌یه‌ك بۆ چوونا هه‌ڤپه‌یمانان ژ ئیراقێ دهێته‌ به‌رهه‌ڤكرن.

لیوا یه‌حیا ره‌سوول، په‌یڤدارێ فه‌رمانده‌یا گشتى یا هێزێن چه‌كدارێن ئیراقێ راگه‌هاند، كۆمبوونا لژنه‌یا بلندا سه‌ربازى یا ئیراقێ ل گه‌ل هێزێن هه‌ڤپه‌یمانیا نێڤده‌وله‌تى لسه‌ر هه‌لسه‌نگاندنا ره‌وشا سه‌ربازى، ئاستێ مه‌ترسیان، رێكار و شیانێن هێزێن چه‌كدار یێن ئیراقێ بوو.

ئه‌ڤه‌ كۆمبوونا دوێ یه‌ د هه‌یاما سێ حه‌فتیان دا د ناڤبه‌را ئیراق و هه‌ڤپه‌یمانیا نێڤده‌وله‌تى دا دهێته‌كرن و ئارمانج ژێ پاشه‌رۆژا ئه‌ركێ هه‌ڤپه‌یمانایه‌ ل ئیراقێ.

هه‌روه‌سا گۆتژى: خشته‌یه‌كێ ده‌مكى دێ هێته‌ به‌رهه‌ڤكرن كو تێدا كێمكرنا شیره‌تكارێن سه‌ربازى ب شێوه‌یێ قۆناغ قۆناغ كو ئارمانج ژێ دوماهى ئینانه‌ ب ئه‌ركێ هه‌ڤپه‌یمانیا نێڤده‌وله‌تى یا دژى داعشێ و پێنگاڤ به‌ره‌ف قۆناغێن په‌یوه‌ندیێن دو قۆلى نه‌.

یه‌حیا ره‌سوول دبێژیت: ئه‌گه‌ر ژ ئالۆزى دروست نه‌بن و كۆمبوون ب شێوه‌یه‌كى باش د ناڤبه‌را ئیراق و هه‌ڤپه‌یمانان دا ب رێڤه‌بچن كارێ لژنه‌یان دێ ب زووترین ده‌م هێته‌كرن.

زێدەتر دەربارەی