ئەردۆگان پشتی بۆرینا 12 سالان بۆ ئێکەم جار دێ چیتە مسرێ ڤە
بەلاڤ بکە
گاڤ
ئەڤرۆ سەرۆککۆمارێ تورکیا دێ چیتە ئیماراتێ و سوبەهی ژی پشتی بۆرینا دوازدە سالان ل سەر دوماهی سەرەدانا وی بۆ مسرێ و بۆرینا دەهـ سالان ل سەر دەستهەلاتا عەبدولفەتاح سیسی، دێ ب سەرەدانەکا فەرمی چیتە مسرێ و ناڤەرۆکا سەرەدانێ گرێدای پەیوەندیێن ئەنقەرە و قاهیرە و هەروەسا شەڕێ ئسرائیل و حەماسێ یە.
ل گۆرەی راگەهاندنەکا سەرۆکاتیا پەیوەندیێن کۆچکا کۆماری یا تورکیا، ئەڤرۆ رەجەب تەیب ئەردۆگان، سەرۆککۆمارێ تورکیا دێ چیتە ئیماراتێ و چوونا وی ل دویڤ داخوازا محەمەد بن زاید ئال نەهیان، سەرۆکێ ئیماراتێ یە و دێ ل وی وەلاتی ل گەل ئال نەهیانی کۆم بیت و پاشی وەک مێهڤانەکێ فەخری پشکداریێ د گۆپیتکا حکومەتێن جیهانێ دا کەت.
د راگەهاندنا کۆچکا کۆماری یا تورکیا دا هاتیە ژی: سوبەهی رۆژا سێشەمبی رەجەب تەیب ئەردۆگان پشتی بۆرینا دوازدە سالان، بۆ ئێکەم جار دێ چیتە مسرێ و ل گەل مەزنە بەرپرسێن وی وەلاتی بەحسا پەیوەندیێن ئەنقەرە و قاهیرە و هەروەسا شەڕێ ئسرائیل و حەماسێ کەت.
