گاڤ

وەزارەتا پەترۆلا ئیراقێ دوماهی پێشهاتێن دوبارە دەستپێکرنا هنارتنا پەترۆلا هەرێما کوردستانێ ئاشکراکرن و دوپات کر کو ل نێزیک دێ دەست ب هنارتنێ هێتەکرن.

حەیان عەبدولغەنی، وەزیرێ پەترۆلا ئیراقێ بۆ رۆژنامەڤانان گۆت: دانوستاندنێن وەزارەتا پەترۆلا ئیراقێ ل گەل کۆمپانیێن نێڤدەولەتی یێن پەترۆلێ ل هەرێما کوردستانێ بەرهەمدئینن د پێشڤەچوونێ دانە و ل نێزیک دێ گەهنە رێککەفتنێ بۆ هنارتنا پەترۆلا هەرێمێ.

هەروەسا گۆت: دوبارە هنارتنا پەترۆلا هەرێما کوردستانێ ب دوبارە دەستپێکرنا بەرهەمئینانا پەترۆلێ ل کێلگەهێن هەرێمێ پابەندە.