سه‌رۆكێ حكومه‌تێ: گه‌لێ كورد داخوازیه‌كا ره‌وا بۆ بڕیاردانێ ل دۆر چاره‌نڤیسێ خۆ هه‌یه‌

بەلاڤ بکە

 

 

گاڤ

سه‌رۆكێ حكومه‌تا هه‌رێما كوردستانێ د گۆتاره‌كێ د گۆپیتكا جیهانى یا حكومه‌تان دا راگه‌هاند كو گه‌لێ كورد داخوازیه‌كا ره‌وا بۆ بڕیاردانێ ل دۆر چاره‌نڤیسێ خۆ هه‌یه‌.

سه‌رۆكوه‌زیر مه‌سروور بارزانى د گۆتارا خۆ دا ئه‌ڤرۆ دوشه‌مبیێ دیاركر "كوردستان نه‌بوویه‌ گه‌ف ل سه‌ر چ كه‌سان، ئه‌م فاكته‌رێ ئاشتیێ و سه‌قامگیریێ نه‌، مه‌ دڤێت ره‌فتارێن هه‌رێمایه‌تى ل سه‌ر بنیاتێ رێز و به‌رژه‌وه‌ندیا هه‌ڤپشك بن".

سه‌رۆكێ حكومه‌تێ گۆت ژى "مه‌ وه‌ك گه‌لێ كورد داخوازیه‌كا ره‌وا بۆ بڕیاردانێ ل دۆر مافێ چاره‌خۆنڤیسینێ هه‌یه‌، مه‌ وه‌ك گه‌ل مافێ وێ چه‌ندێ هه‌یه‌ خۆدان سه‌روه‌رى بین".

زێده‌تر ژى گۆت "ئه‌م هه‌مى ب شێوه‌یه‌ك ژ شێوه‌یان رویبروى چه‌ندین ئالنگاریان بووینه‌، جه‌نگ، یاخیبوون، سه‌ختى و نه‌بوونا سه‌قامگیریا ئابوورى ب مخابنى ڤه‌ بووینه‌ پشكه‌ك ژ پێكهاته‌یا مه‌، د دانوستاندنێن خۆ ل گه‌ل سه‌ركرده‌یێن رۆژهه‌لاتا ناڤین دا بۆ من دیاربوو كو وان ژى ئه‌و حه‌زه‌ هه‌بوویه‌ كو پێكڤه‌ ژ ڤێ نه‌هامه‌تیێ ده‌رباز ببین".

ئاماژه‌ ب وێ چه‌ندێ ژى كر "خه‌لك ل سه‌ر ئاستێ تاك و كۆمه‌ل چاڤێ وان ل وێ چه‌ندێ یه‌ مافێ خۆ و چاره‌نڤیسێ خۆ دیاربكه‌ن، پێدڤیه‌ ژینگه‌هه‌ك بۆ وان بهێته‌ ده‌سته‌به‌ركرن دا كو ب ئاسووده‌یى بژین، سه‌قامگیریا سیاسى، ئاسایش، پێشكه‌فتنا ئابوورى و رویبرویبوونا گوهۆڕینێن سه‌قاى پرسێن ئالۆزن و رێبازه‌كا تایبه‌ت بۆ هه‌ر ئێك ژ وان هه‌یه‌".

زێدەتر دەربارەی