وهزارهتا گهشتوگۆزارێ یا توركیا: سهرهدانا ئیراقیان بۆ توركیا كێمبوویه
02/23/2024 - 20:25
گاڤ
ل گۆرهى نویترین ئامارێن وهزارهتا گهشتوگۆزارێ یا توركیا سهرهدانا ئیراقیان بۆ توركیا بهرهڤ كێمبوونێ ڤه چوویه و د ههیڤا كانوینا ئێكێ یا بۆرى دا 54 هزار و 508 ئیراقیان سهرهدانا توركیا كرینه.
وهزارهتا گهشتوگۆزارێ یا توركیا ئهڤرۆ ئهینیێ راگههاند؛ د ههیڤا 1 یا ئهڤ ساله 2024 دا 54 هزار و 508 ئیراقیان سهرهدانا توركیا كربوون ل دهمهكێ د ههیڤا 1 یا سالا 2023 دا 62 هزار و 15 ئیراقیان سهرهدان كربوون.
دیار ژى كریه: د رێزبهندیا وهلاتان دا ل گۆرهى سهرهدانا گهشتیارێن وان بۆ توركیا د ههیڤا بۆرى دا، ئیراق ل رێزا ههشتێ هات.
ههر ل گۆرهى گهشتوگۆزارا توركیا، د ههیڤا بۆرى دا ب گشتى 2 ملیۆن و 47 هزار و 158 گهشتیاران ژ سهرانسهرى وهلاتێن جیهانێ سهرهدانا توركیا كرینه.