كاراگه‌ر بۆ چاڤى هێرناندێز: ببه‌ شڕۆڤه‌كارێ یاریێن ته‌پاپێى ل سه‌ر ته‌له‌ڤزیۆنێ

بەلاڤ بکە

گاڤ

پشتى بڕیارا چاڤى هێرناندێز راهێنه‌رێ به‌رشلۆنا ب هێلانا رێزێن یانه‌یێ ل گه‌ل ب دویماهیك هاتنا ڤى وه‌رزى ئێكه‌م ئۆفه‌ر بۆ وى هاته‌ پێشكێشكرن ئه‌و ژى ببیته‌ شڕۆڤه‌كارێ یاریێن ته‌پاپێى ل سه‌ر كه‌ناله‌كێ ته‌له‌ڤزیۆنى.

چاڤى هێرناندێز به‌رى نوكه‌ راگه‌هاند بوو كو ل گه‌ل ب دویماهیك هاتنا ڤى وه‌رزى ئه‌و دێ یانه‌یا كه‌ته‌لۆنى بجههێلیت به‌رى ساله‌كێ ژ ب دویماهیك هاتنا گرێبه‌ستا وى ئه‌وا هه‌تا سالا 2025 به‌رده‌وام.

جیمى كاراگه‌ر ستێرا به‌رێ یێ هه‌لبژارتیێ ئنگلترا و شڕۆڤه‌كارێ یاریان ل سه‌ر كه‌نالێ CBS یێ وه‌رزشى دبێژیت "پشتى ب دویماهیك هاتنا ڤى‌ وه‌رزى، دێ چاڤى هێرناندێز پتر ده‌م هه‌بیت، له‌وا ئه‌گه‌ر یێ به‌رهه‌ڤ بیت بهێته‌ د گه‌ل مه‌ دا ل ستۆدیۆیا شڕۆڤه‌كرنێ دێ گه‌له‌ك كه‌یفخۆش بین".

زێده‌تر ژى د په‌یامه‌كێ دا بۆ راهێنه‌رێ به‌رشلۆنا گۆت "كه‌نال پێدڤی ب یاریكه‌ره‌كێ ئسپانى یێ وه‌كى ته‌ هه‌یه‌ كو پتر ژ جاره‌كێ چامپیۆنز لیگ بده‌ستڤه‌ئینایه‌".

ژ لایێ خۆڤه‌، چاڤى راهێنه‌رێ به‌رشلۆنا د به‌رسڤێ دا دیاركر "د ده‌مێ نوكه‌ دا ئه‌ز هزر د بێهنڤه‌دانێ دا دكه‌م، لێ یانه‌یێ هه‌تا خزیرانێ پێگیرى هه‌نه‌، ئه‌ز د وێ باوه‌ریێ دا مه‌ كو بڕیارا هێلانا رێزێن یانه‌یێ باشتر بوو ژ بۆ من هه‌روه‌سا بۆ یانه‌یێ".

زێدەتر دەربارەی