ل چینێ ئاگر به‌ربوو هۆتێله‌كێ و 15 كه‌س مرن
بەلاڤ بکە
گاڤ
ل گۆره‌ى ئاژانسێن نووچه‌یان، شڤێدى ل باژێرێ نانجینگ ل رۆژهه‌لاتا چینێ ئاگر به‌ربوویه هۆتێله‌كێ، 15 كه‌سان گیانێ خۆ ژ ده‌ستدا و 40 كه‌سێن دى ب دژوارى بریندرابووینه.
ئاژانسێن نووچه‌یان به‌لاڤكر، ژبه‌ر به‌رفره‌هیا ئاگرى، 16 تیمێن ئاگرڤه‌مراندنێ بۆ كونترۆلكرنا ئاگرى هاتینه هنارتن، هه‌روه‌سا هاته زانین، د رویدانێ دا تا نها 15 كه‌سان گیانێ خۆ ژ ده‌ستداینه، 44 كه‌س ژى برینداربووینه.
ل گۆره‌ى ژێده‌رێن خۆجهى بۆ ئاژانسێن نووچه‌یان، ئاگر به‌ربوویه قاتێ ئێكێ یێ هۆتێلێ و به‌لاڤبوویه، گۆمان هه‌یه ئاگر ژ به‌ر شۆرته‌كێ كاره‌بێ په‌یدا بوویه و پاشى ژبه‌ر په‌قینا سیسته‌مێ غازێ بۆ قاتێن دسه‌ر دا به‌لاڤبوویه.
میدیایێن چینى ئامارێن 3 هه‌یڤێن بۆرى یێن رویدانێن ئاگرى ژى به‌لاڤكرن و دانه زانین، د وان 3 هه‌یڤان دا، ل ناوچه‌یێن جودا یێن رۆژهه‌لاتێ چینێ، 87 كه‌سان گیانێ خۆ ژ ده‌ستداینه، 238 كه‌س ژى برینداربووینه.
