رۆنالدۆى هاتریك تۆماركر و ژماره‌یا گۆلێن خۆ گه‌هاندنه‌ 26 گۆلان ل سه‌رێ لیستا گۆلكه‌رێن خۆلا سعوودیه‌

بەلاڤ بکە

 

 

گاڤ

كریستیانۆ رۆنالدۆ د یارییا ئه‌ڤ شه‌ڤه‌ دا به‌رانبه‌ر تائى د خۆلا سعوودیه‌ دا سێ گۆل تۆماركرن و ژماره‌یا گۆلێن خۆ زێده‌كرن و گه‌هاندنه‌ 26 گۆلان ل سه‌رێ لیستا گۆلكه‌رێن خۆلا سعوودیه‌.

یانه‌یا نه‌سر د چارچووڤه‌یێ یاریێن گه‌ڕا 25 یا خۆلا سعوودیه‌ دا ل یاریگه‌ها خۆ ب ئه‌نجامێ 5-1 سه‌ركه‌فتن ل سه‌ر تائى تۆماركر، رۆنالدۆى گۆلێن سیێ و چارێ و پێنجێ یێن نه‌سر د خۆله‌كێن 64 و 67 و 87 دا ژ یاریێ تۆماركرن.

كریستیانۆ رۆنالدۆ ستێرا پۆرتۆگالى یا یانه‌یا نه‌سر ژماره‌یا گۆلێن خۆ گه‌هاندنه‌ 26 گۆلان و ل سه‌رێ رێزبه‌ندییا گۆلكه‌رێن خۆلا رۆشن یا سعوودى دهێت.

ل ده‌مه‌كێ، ئه‌لێكسانده‌ر میترۆڤیچ یاریكه‌رێ هیلال ب تۆماركرنا 22 گۆلان ل رێزا دوێ و عه‌بدولره‌زاق عه‌بدوللا یاریكه‌رێ ئیتیحاد ب 18 گۆلان ل رێزا سیێ دهێن.

ب سه‌ركه‌فتنا ئه‌ڤرۆ یانه‌یا نه‌سر خالێن خۆ گه‌هاندنه‌ 59 خالان ل رێزا دوێ د رێزبه‌ندییا خۆلا سعوودیه‌ دا، ل ده‌مه‌كێ هیلال ب 68 خالان ل سه‌رێ رێزبه‌ندییا خۆلێ دهێت.

 

زێدەتر دەربارەی