دهۆكێ سه‌ركه‌فتن ل سه‌ر قوه‌ جه‌ویه‌ تۆماركر و پێشڤه‌ هاته‌ رێزا چارێ د خۆلا ستێرێن ئیراقێ دا

بەلاڤ بکە

 

 

گاڤ

یانه‌یا دهۆكێ سه‌ركه‌فتنه‌كا گرنگ ل سه‌ر قوه‌ جه‌و‌یه‌ سه‌ركێشا خۆلا ستێرێن ئیراقێ تۆماركر و ب ده‌مكى پێشڤه‌ هاته‌ رێزا چارێ د خۆلێ دا.

یانه‌یا دهۆك ئه‌ڤ شه‌ڤه‌ ل یاریگه‌ها خۆ و ب به‌رهه‌ڤبوونا جه‌ماوه‌ره‌كێ مه‌زن شیا ب ئه‌نجامێ 2-1 سه‌ركه‌فتنێ ل سه‌ر قوه‌ جه‌ویه‌ تۆماربكه‌ت، د وێ یاریێ دا ئه‌وا دو یاریكه‌رێن جه‌ویه‌ و یاریكه‌ره‌كێ دهۆكێ ب كارتا سۆر تێدا هاتینه‌ ده‌رئێخستن، هه‌ر ئێك ژ ئیبراهیم بایش و محه‌مه‌د حه‌مید یاریكه‌رێن جه‌ویه‌ ل خۆله‌كێن 16 و 104 ژ یاریێ هاتنه‌ ده‌رئێخستن و موسیس لۆكاس یاریكه‌رێ دهۆكێ ژى ب كارتا زه‌ر یا دوێ و كارتا سۆر ل خۆله‌كا 104 هاته‌ دویرخستن.

هه‌ردو گۆلێن دهۆكێ ل خۆله‌كێن 39 و 66 ژ لایێ هارۆن ئه‌حمه‌د و عیماد ئه‌للواتى ڤه‌ هاتنه‌ تۆماركرن و گۆلا جه‌ویه‌ ل خۆله‌كا 81 ژ لایێ موهه‌نه‌د عه‌بدولره‌حیم كه‌رار ڤه‌ هاته‌ تۆماركرن.

ب ڤێ سه‌ركه‌فتنێ خالێن دهۆكێ گه‌هشتنه‌ 32 خالان و ب ده‌مكى پێشڤه‌ هاته‌ رێزا چارێ د خۆلا ستێرێن ئیراقێ دا، ل ده‌مه‌كێ یانه‌یا زاخۆ ل رێزا سیێ دهێت ب هه‌مان خالێن یانه‌یا دهۆكێ كو 32 خالن.

جه‌ویه‌ ژى ب 45 خالان نوكه‌ ل رێزا ئێكێ دهێت و یانه‌یا شۆرته‌ ب 42 خالان و ب كێمتر ب یارییه‌كێ ژ جه‌ویه‌ ل رێزا دوێ دهێت.

زێدەتر دەربارەی