هۆشدارى ژ كێمبوونا ئاڤێ ل ئیراقێ ل گه‌ل هاتنا سالا 2050 دهێته‌ دان

بەلاڤ بکە

 

 

گاڤ

راپۆرته‌كا ل دۆر گه‌شه‌پێدانا ئاڤێ د سالا 2024 دا هۆشدارى ژ وێ چه‌ندێ دایه‌ كو ل گه‌ل هاتنا سالا 2050 ئیراق رویبروى كێمبوونا ئاڤێ ببیت.

رێكخراوا یونیسكۆ د راپۆرته‌كێ دا ئه‌ڤرۆ دوشه‌مبیێ راگه‌هاندیه‌ "داتایێن ئینستیتیۆتا ژێده‌ران یا جیهانى دیاركریه‌ كو د نوكه‌ دا 25 وه‌لات رویبروى سترێسا ئاڤێ یا بلند سالانه‌ دبن، ئانكۆ ئه‌و وه‌لاته‌ پتر ژ 80% ژ ژێده‌رێن خۆ یێن ئاڤێ بۆ مه‌ره‌مێن ئاڤدان، خۆدانكرنا ئاژه‌لى، پیشه‌سازیێ و پێدڤیاتیێن ناڤمالێ بكاردئینن، هه‌تا هشكه‌سالییا كورتخایه‌ن ژى ڤان جهان رویبروى مه‌ترسییا نه‌مانا ئاڤێ دكه‌ت".

ل گۆره‌ى راپۆرتێ "ئه‌و ده‌ڤه‌رێن رویبروى پترین سترێسا ئاڤێ بووین، وه‌لاتێن رۆژهه‌لاتا ناڤین و باكۆرى ئه‌فریقیانه‌ كو 83% ژ ئاكنجییان رویبروى سترێسه‌كا ئاڤێ یا گه‌له‌ك بلند بووینه‌، هه‌روه‌سا ل باشوورێ ئاسیا 74% ژ ئاكنجییان رویبروى سترێسا ئاڤێ یا بلند دبن".

ئیراق ل رێزا 12 ل سه‌ر ئاستێ وه‌لاتێن عه‌ره‌بى بۆ بلندبوونا سترێسا ئاڤێ هاتیه‌ كو رێژه‌یا وێ 4.74% یه‌ و ل گۆره‌ى تایبه‌تمه‌ندان ئه‌ڤه‌ رێژه‌یه‌كا بلنده‌.

 

 

زێدەتر دەربارەی