ژ به‌ر زێده‌بوونا داخوازییا چینێ ل سه‌ر په‌ترۆلێ.. بهایێ به‌رمیله‌كێ برێنت چوو د سه‌ر 84 دۆلاران دا
05/10/2024 - 20:14
بەلاڤ بکە
گاڤ
بهایێن په‌ترۆلێ د بازارێن جیهانى دا ئه‌ڤرۆ ئه‌ینییێ بلندبوونه‌كا نوى تۆماركرن و بهایێ به‌رمیله‌كێ برێنت چوو د سه‌ر 84 دۆلاران دا.
ژ به‌ر زێده‌بوونا داخوازییا چینێ ل سه‌ر په‌ترۆلێ، كێمبوونا په‌ترۆلا عه‌مباركرى ل ئه‌مریكا و به‌رده‌وامییا گرژیێن جیۆسیاسى بهایێن په‌ترۆلێ هێشتا بلند بوون.
ئاژانسان به‌لاڤكرینه؛ ئه‌ڤرۆ ئێڤارى بهایێ خاڤا برێنت ب 33 سه‌نتان بلند بوو و بهایێ هه‌ر به‌رمیله‌كێ گه‌هشته 84.21 دۆلاران.
هه‌روه‌سا بهایێ په‌ترۆلا رۆژئاڤایێ تێكساس یا ناڤنجى یا ئه‌مریكى WTI ژى ب 42 سه‌نتان بلند بوو و بهایێ هه‌ر به‌رمیله‌كێ گه‌هشته 79.68 دۆلاران.
ل گۆره‌ى داتایان، چینێ د هه‌یڤا نیسانێ یا بۆرى دا رێژه‌یه‌كا پتر یا په‌ترۆلێ هاورده‌كریه ب هه‌ڤبه‌ركرن ل گه‌ل هه‌مان هه‌یڤ ژ سالا بۆرى.
