ئهپل دێ ژمارهیهكا گوهۆڕینان د ئایفۆن 16 دا پهیدا كهت
بەلاڤ بکە
گاڤ
كۆمپانییا ئهپل گهلهك پلانێن پێشڤهبرنێ بۆ زنجیرهیا موبایلان یا نوى ئایفۆن 16 داناینه و ب تایبهت یێن گرێداى شاشهیێ و پاترییێ.
ئهپل ل سێپتهمبهرا بهێت دێ موبایلێن ئایفۆن 16، ئایفۆن 16 پلهس، ئایفۆن 16 پرۆ و ئایفۆن 16 پرۆ ماكس بهردهست كهت.
ل گۆرهى مالپهرێ aitnews؛ هندهك دزهپێكرنان دیاركرینه كو ئهپل ل بهره تێكرایێ رۆناهییا شاشهیێ ب رێژهیا 20% زێده بكهت و بگههینیته 1200 نێتان، ل دهمهكێ د ئایفۆن 15 پرۆ دا 1000 نێت بوون دهمێ موبایل ل سهر بارێ ستاندارد.
هندهك دزهپێكرنان بهرى نوكه ژى دیاركرینه "رهنگه ئهپل قهبارهیێ شاشهیا موبایلا ئایفۆن 16 پرۆ زێده بكهت و ب ڤێ چهندێ كۆمپانى دێ قهبارهیێ پاترییا موبایلێ ژى زێدهكهت".
ههروهسا بهرى نوكه هاتبوو گۆتن كو ئهپل دێ هندهك مایكرۆفۆنێن نوى بۆ ئایفۆن 16 ژ بۆ باشتركرنا كارێ هاریكارى دهنگى Siri بهردهستكهت.
هندهك راپۆرتان دیاركرینه كو ئهپل دێ دوگمهیهكا نوى د ئایفۆن 16 دا و ب تایبهت ئایفۆن 16 پرۆ دا زێدهكهت كو دێ بۆ گرتنا وێنهیان و گرتهیێن ڤیدیۆیى زێدهبارى هندهك ئهركێن دى یێن گرێداى كامیرهیێ هێته بكارئینان.
