نویترین زانیارییێن پاشه‌رۆژا لێڤاندۆڤسكى ل گه‌ل یانه‌یا به‌رشلۆنا

بەلاڤ بکە

 

 

گاڤ

بریكارێ كارێن لێڤاندۆڤسكى هێرشبه‌رێ پۆله‌ندى یێ به‌رشلۆنا ل دۆر نووچه‌یێن هێلانا وى هێرشبه‌رى بۆ رێزێن یانه‌یا به‌رشلۆنا هاته‌ ده‌نگ.

به‌رى نوكه‌ هنده‌ك راپۆرتان ئاماژه‌ ب وێ چه‌ندێ كربوون كو دیكۆ رێڤه‌به‌رێ وه‌رزشى یێ به‌رشلۆنا دێ ل گه‌ل پینى زاهاڤى بریكارێ كارێن لێڤاندۆڤسكى ژ بۆ به‌حسكرنا كێمكرنا مووچه‌یێ لێڤاندۆڤسكى یان ژى هێلانا وى بۆ یانه‌یا به‌رشلۆنا كۆمبیت.

راپۆرتان دیاركربوون كو مووچه‌یێ لێڤاندۆڤسكى كو د وه‌رزێ بهێت دا دێ گه‌هیته‌ پتر ژ 30 ملیۆن یۆرۆیان، بۆ به‌رشلۆنا جهێ بێزارییێ یه‌.

ئاماژه‌ ب وێ چه‌ندێ ژى كربوون؛ لێڤاندۆڤسكى ب تنێ بۆ وه‌رزێ خۆ یێ ئێكێ ل گه‌ل به‌رشلۆنا ل سه‌ر وه‌رگرتنا مووچه‌یێ 20 ملیۆن یۆرۆیان رازى ببوو، ئه‌ڤ چه‌نده‌ ژ بۆ هاریكاریكرنا به‌رشلۆنا بۆ ئێكلاكرنا هه‌ڤبه‌ستێ، لێ مووچه‌یێ وى د ئه‌ڤ ساله‌ دا زێده‌ببوو و د وه‌رزێ بهێت ژى دا دێ به‌رده‌وام بیت د زێده‌بوونێ دا، پاشى ل وه‌رزێ چارێ جاره‌كا دى دێ كێمبیت.

هه‌ر وان راپۆرتان دیاركربوون؛ چاڤى راهێنه‌رێ به‌رشلۆنا دڤێت گوهۆڕینێ د هێلا هێرشبه‌رییێ دا ل وه‌رزێ بهێت بكه‌ت و دبینیت كو د شیان دایه‌ ده‌ستبه‌ردان ژ لێڤاندۆڤسكى بهێته‌ كرن.

پینى زاهاڤى بریكارێ كارێن لێڤاندۆڤسكى د داخۆیانییه‌كێ دا ل دۆر ڤان نووچه‌یان هاته‌ ده‌نگ و راگه‌هاند كو نووچه‌یێ هێلانا لێڤاندۆڤسكى بۆ یانه‌یا به‌رشلۆنا نه‌یێ دروسته‌ و ب رێژه‌یا 100% لێڤاندۆڤسكى دێ ل وه‌رزێ بهێت مینیته‌ دناڤ رێزێن به‌رشلۆنا دا، وه‌كى فابریزیۆ رۆمانۆ شاره‌زایێ مێركاتۆیا یاریكه‌ران ڤه‌گوهاستى.

 

زێدەتر دەربارەی