د ئه‌پدێتا نوى یا ئایفۆنان iOS 18 دا دێ ئالاڤێ راوه‌ستاندنا نیشاندانا ریكلامان تێدا هه‌بیت
بەلاڤ بکە
گاڤ
د ئه‌پدێتا نوى یا ئایفۆنان iOS 18 دا دێ ئالاڤێ راوه‌ستاندنا نیشاندانا ریكلامان د ده‌مێ ته‌ماشه‌كرنا بكارهینه‌رى بۆ مالپه‌رێن ئه‌نترنێتێ دا هه‌بیت.
ل گۆره‌ى مالپه‌رێن ته‌كنیكى، كۆمپانییا ئه‌پل ژ بۆ پاراستنا تایبه‌تمه‌ندییا بكارهینه‌رى، دێ ئالاڤێ راوه‌ستاندنا نیشاندانا ریكلامان د وێبگه‌رێ خۆ Safari د موبایلێن ئایفۆن دا به‌رده‌ستكه‌ت.
ئه‌ڤ ئالاڤێ نوى كو پشتبه‌ستنێ ل سه‌ر ژیرییا ده‌ستكرد دكه‌ت، دێ ناڤه‌رۆكا ریكلامان هه‌روه‌سا بابه‌تێن مالپه‌رێن دى یێن ئه‌نترنێتێ یێن دهێنه د مالپه‌رى دا به‌رزه كه‌ت.
ساخله‌تێ نوى ب ناڤێ Web Eraser ـه و دێ د ئالاڤێن تایبه‌تمه‌ندییێ یێن وێبگه‌رێ Safari د ئه‌پدێتا نوى یا ئایفۆنان iOS 18 دا هێته زێده‌كرن.
ئه‌و ساخله‌ته رێكێ دده‌ته بكارهینه‌ران كو بشێن هنده‌ك پشكێن دیاركرى ژ مالپه‌رێن ئه‌نترنێتێ ل ده‌ف خۆ نه‌هێلن و بۆ وان دیار نه‌بن، ژ وان ژى راوه‌ستاندنا نیشاندانا ریكلامان یان وێنه‌یان یان تێكستان یان هه‌مى پشكێن مالپه‌ره‌كێ ده‌ستنیشانكرى.
هه‌روه‌سا دێ د وێبگه‌رى دا ئوپشنێ كه‌نسلكرنا ڤێ چه‌ندێ و دوباره ڤه‌گه‌ڕیانێ بۆ ره‌وشا ستاندارد یا نیشاندانا ریكلامان و تشتێن دى هه‌بیت، ئه‌گه‌ر بكارهینه‌ر ژ بڕیارا خۆ لێڤه‌ببیت.
