وەزارەتا ساخلەمییێ: دەرمانێن بێی ستیکەر و کۆدێ کوالتی کونترۆل نەکڕن
05/13/2024 - 09:55
بەلاڤ بکە
گاڤ
وەزارەتا ساخلەمییێ یا هەرێما کوردستانێ داخواز ژ وەلاتییان دکەت دەرمانێن بێی ستیکەر و کۆدێ کوالتی کونترۆل نەکڕن و رادگەهینیت: هەر جهەکێ دەرمانان ب وی رەنگی بفرۆشیت، دێ وەک تاوان سەرەدەری ل گەل هێتە کرن.
وەزارەتا ساخلەمییێ یا هەرێما کوردستانێ ئەڤرۆ راگەهاند: نابیت ب چ رەنگان دەرمان و پێدڤیاتییێن ساخلەمییێ بێی ستیکەر و کۆدێ کوالتی کونترۆل بهێنە فرۆشتن، ژبەر کو دەرمان و پێدڤیاتییێن ساخلەمییێ یێن ستیکەر و کۆدێ کوالتی کونترۆل ل سەر نەبن، ب قەچاخ دهێنە هەژمارتن.
وەزارەتێ داخواز ژ وەلاتییان کرییە: ب چ رەنگان وان دەرمان و پێدڤیاتییێن ساخلەمییێ نەکڕن و ئەگەر ل جهەکی دیت، دشێن ئێکسەر پەیوەندییێ ب ژمارەیا 07502356000 بکەن و وەزارەت دێ وەک تاوان سەرەدەرییێ ل گەل بابەتی کەت.
