میدیایێن ئێرانی، پتر ژ 20 ناسناڤان ب سەرۆک نێچیرڤان بارزانی بەخشینە
بەلاڤ بکە
ھانا چۆمانی
سەرەدانا سێ رۆژی یا سەرۆک نێچیرڤان بارزانی بۆ کۆمارا ئیسلامی یا ئیرانێ، رەنگڤەدانەکا مەزن ل میدیایێن ئیرانێ هەبوو.
ب رەنگەکی گرنگیدانا سەرەدانا وی د میدیایێن ئیرانێ دا هندی کارێ سێ سالێن بۆری یێ هەمی میدیایێن هەرێما کوردستانێ بوو. ژ بەرکو ب رەنگەکێ میدیایێن ئیرانی یێن ب زمانێ فارسی مژویلکرن کو ب تنێ د دەمێ کێمتر ژ حەفتییەکێ پتری ژ 500 بابەتێن میدیایێ وەکو راپۆرت، ستۆری، شرۆڤەکاری، نووچە، فۆتۆستۆری، فێرستپێرسن و پرۆفایل باگراوند دەربارەی سەرۆک نێچیرڤان بارزانی بەرهەڤ و بەلاڤکرن.
ئەوا جهێ سەرنجێ دانانا ناسناڤێ نویە ب سەرۆک نێچیرڤان بارزانی ل میدیایێ ئیرانی (سیاسیێ بارزانی) کو ل گەل ناسناڤێن دی بوویە مانشێت و سەردێر.
هەروەسا ناسناڤێ (سەرکردەیێ بارزانی یێ گەنج) وەسا بەحس کرییە کو ژ رویێ دپلۆماسی و سیاسی ڤە ل ئیراق و هەرێما کوردستانێ وەکی وی دکێمن.
نەبتنێ بەرپرسێن سیاسی و میدیایان، بەلکو زەلامێن ئاینی و ئەندامێن ویلاتەیا فەقی و نوینەرێن شورشا ئیسلامی ب هەمان رەنگێ میدیایان د گۆتار و دانوستاندنێن خۆ دا بەحس ل سەرەدانا سەرۆک نێچیرڤان بارزانی بۆ ئیرانێ کرییە.
گرنگترین ئەو ناڤ و ناسناڤێن ب سەرۆک نێچیرڤان بارزانی هاتینە دان، ژ دەرڤەیی چاڤەرێبوونا بەرپرسێن ئیراق و هەرێما کوردستانێ بوو، ژ بەرکو نە وەکو سیاسیەکێ کورد و سەرۆکێ هەرێمێ، بەلکو وەک سیاسیەکێ ئیراقێ و دەڤەرێ و جیهانێ پێشوازی لێ کر و بەحس ل سەر هاتەکرن.
"بالیۆزێ ئاشتییێ یێ هەرێمێ ل تەهرانە" ئەڤە مانشێتەکێ مەزنێ رۆژنامەیا شەرقە کو ئێکە ژ پرفرۆشترین رۆژنامەیێن ئیرانی و د لاپەرێ ئێکێ دا ب مانشێتەکێ مەزن نڤیسیبوو "بالیۆزێ ئاشتییێ یێ هەرێمێ ل تەهرانە".
میدیایێن ئیرانێ دبێژنە سەرۆک نێچیرڤان بارزانی (سەرکردەیێ ژێهاتی، سەرکردەیێ دویربین، سیاسەتڤانێ کورد، بارزانییێ دپلۆماس، سیاسییێ نەرم، سیاسییێ ئێکپۆش و هتد) گرنگترین ئەو میدیایێن ئەڤ ناڤە داینە سەرۆک نێچیرڤان بارزانی ئەڤەنە:
مالپەرێ عەسر یێ ئیرانی سەرۆک نێچیرڤان بارزانی ب سیاسیێ دپلۆماس ناساندییە و هەڤدەم ب مام جەلال هەڤبەر کرییە، خۆ پێش وی ژی خستییە و دبێژیت: "تایبەتمەندی و شیانێن کەسوکی یێن سەرۆک نێچیرڤان بارزانی ل گەل دۆستێن وی بەرفرەهن، شیانێن باوەریپێکرنێ و نەرمی و دپلۆماسیەتەکا مەزن هەیە و ئەڤە سەرۆککۆمارێ وەغەرکری یێ ئیراقێ مام جەلال دئینیتە بیرا مە".
هەڤدەم ئاژانسا نووچەیێن قوتابییێن ئیسنا، کو دوەم مەزنترین ئاژانسا ئیرانی یە نڤیسییە "پەیامەکا مەزن یا بارزانی ژ تەهرانێ بۆ جیهانێ و هەڤدەم دبێژیت، سەرەدانا سەرۆک نێچیرڤان بارزانی نیشانا بهێزکرنا پەیوەندییێن هەڤسەنگ د ناڤبەرا ئیران و هەرێما کوردستانێ دایە".
هەڤدەم مالپەرێ مەشرق نیۆز سەرۆک نێچیرڤان بارزانی وەک نوینەرێ سیاسی، ئاینی، پێکهاتەیان و نەتەوەیێن ئیراقێ ناساندییە، نەک بتنێ وەک سیاسیەکێ کورد، بۆ نموونە مالپەر دبێژیت " سەرەدانا سەرۆک نێچیرڤان بارزانی بۆ تەهرانێ وێ دگەهینیت کو ناڤهاتی د هەمی بواران دا پێشەنگە و نوینەرێ هەمی نەتەوە و ئاینیێن ئیراقێ یە و نوینەراتییا هەمییان دکەت".
هەمان مالپەر د راپۆرتا خۆ دا نڤیسییە" سەرەدانا سەرۆک نێچیرڤان بارزانی بۆ تەهرانێ مەزنترین بویەرا سیاسیە ل جیهانا عەرەبی و کوردی د دەمێ چەندین سالێن بۆری دا".
"سەرکردە و سیاسییێ ئێکپۆش" مالپەرێ حەوتی سوبح، ئێکپۆشییا سەرۆک نێچیرڤان بارزانی سەرنجا وان راکێشایە و بوویە جهێ راکێشانا سەرنجا وان، هەروەسا هەمان مالپەر نڤیسییە" سەرکردە و سیاسیە رێکپۆشەکە وەفا بۆ ئیرانێ هەیە و ب سەرکردەیێ وەفادار بناڤ کرییە.
ژبلی ڤێ نڤیسییە ژی " سەرۆک نێچیرڤان بارزانی کو نەڤییێ مەلا مستەفا بارزانی یە، ئێکە ژ گرنگترین سیاسی و سەرکردەیێن کوردستان و ئیراقێ".
ژ لایەکێ دی ڤە ژی ئاژانسا نووچەیان مێهر کو ئێکە ژ بەرنیاسترین ئاژانسێن ئیرانێ و دەڤەرێ، ژبلی ب دەهان راپۆرت و شرۆڤەکاری ل سەر سەرۆک نێچیرڤان بارزانی، هەڤدەم ب جورەکان ناڤ لێ ناینە، ژ هەمییان گرنگتر، سیاسەتڤانێ کورد، سیاسییێ ژێهاتی و سیاسییێ قەبویلکری.
هەروەسا نڤیسیییە "پشتی 13 سالان ژ دیدارا سەرۆک مەسعوود بارزانی، سەرۆک نێچیرڤان بارزانی "بارزانییێ گەنج" ل گەل رێبەرێ بلندێ کۆمارا ئیسلامی یا ئیرانێ کۆمبوو".
هەروەسا د پشکەکا دی یا شرۆڤەکارییا ئاژانسا مێهر دا هاتییە " سەرۆک نێچیرڤان بارزانی کەسایەتییەکێ دپلۆماسی و نەرم یێ کوردو و ئیراقێ یە" ژبەر ڤێ یەکێ پێدڤییە بێژنێ (سیاسییێ نەرم)".
