گاڤ

ئێكه‌تییا ته‌پاپێى یا ئه‌ورۆپى UEFA دادڤانێ یارییا دویماهییێ یا چامپیۆنز لیگێ دناڤبه‌را ریال مه‌درید و بورۆسیا دۆرتمۆند دا ده‌ستنیشانكر.

ریال مه‌درید و بورۆسیا دۆرتمۆند ل رۆژا 1ى خزیرانا بهێت ل یاریگه‌ها وێمبلى یا دیرۆكى ل له‌نده‌ن دێ یارییا دویماهییێ یا چامپیۆنز لیگا ڤى وه‌رزى 2023-2024 كه‌ن.

ئێكه‌تییا ته‌پاپێى یا ئه‌ورۆپى راگه‌هاند؛ سلاڤكۆ ڤینچیچ دادڤانێ سلۆڤینى دێ راهێنه‌رێ یارییا دویماهییێ یا چامپیۆنز لیگێ دناڤبه‌را ریال مه‌درید و بورۆسیا دۆرتمۆند دا بیت.

ڤینچیچ یێ 44 سالى هه‌ر ژ سالا 2010 تا نوكه‌ دادڤانێ یاریێن نێڤده‌وله‌تى یه‌، ئه‌ڤه‌ دێ بیته‌ جارا دوێ ئه‌و ببیته‌ دادڤانێ یارییه‌كا دویماهییێ د قاره‌مانییه‌كا یوێفایێ دا پشتى فاینالا یۆرۆپا لیگ یا سالا 2022 دناڤبه‌را ئێنتراخت فرانكفۆرت یا ئه‌لمانى و گلاسكۆ رێنجه‌رز یا سكۆتله‌ندى دا.

د ڤى وه‌رزى دا، وى دادڤانێ سلۆڤینى ئه‌ركێ برێڤه‌برنا حه‌فت یارییان د چامپیۆنز لیگا ئه‌ورۆپا دا وه‌رگرتبوو.

هه‌ردو هاریكارێن دادڤانى بۆ یارییا دویماهییێ دێ توماس كلانچنیك و ئه‌ندراز كۆڤاچیچ یێن سلۆڤینى بن و دادڤانێ چارێ دێ فرانسوا لوتیكسیێ یێ فره‌نسى بیت.