سه‌رۆكێ ده‌سته‌یا لالیگایێ: ئێمباپێ ب گرێبه‌سته‌كا پێنج سالى دێ په‌یوه‌ندییێ ب ریال مه‌درید كه‌ت
بەلاڤ بکە
گاڤ
سه‌رۆكێ ده‌سته‌یا لالیگایێ راگه‌هاند؛ كیلیان ئێمباپێ هێرشبه‌رێ فره‌نسى دێ ل ڤێ هاڤینێ چیته دناڤ رێزێن ریال مه‌درید دا بۆ ده‌مێ 5 پێنج سالان.
ل ئه‌ینییا بۆرى، كیلیان ئێمباپێ كاپتنێ هه‌لبژارتییێ فره‌نسا هێلانا رێزێن پاریس سان جێرمان راگه‌هاند بوو.
خاڤیێر تێباس سه‌رۆكێ ده‌سته‌یا لالیگایێ ئه‌ڤرۆ سێشه‌مبییێ د چاڤپێكه‌فتنه‌كا د رۆژنامه‌یا ئولێ یا ئه‌رجه‌نتینى دا به‌لاڤبووى راگه‌هاند؛ ئێمباپێ وه‌رزێ بهێت دێ هێته دناڤ رێزێن ریال مه‌درید دا.
ئاماژه ب وێ چه‌ندێ ژى كر كو ریال مه‌درید و ئێمباپێ گه‌هشتنه رێككه‌فتنه‌كێ و ل گۆره‌ى وێ ئێمباپێ دێ هه‌ڤبه‌سته‌كا پێنج سالى ل گه‌ل یانه‌یا ئسپانى ئیمزا كه‌ت.
گۆت ژى "ئێمباپێ ئێك ژ باشترین یاریكه‌رایه ل جیهانێ، لێ ڤینیسیۆس یێ به‌رازیلى ژى و بێلینگهام یێ ئنگلیزى ژى هه‌نه، دێ ریال مه‌درید پێكهاته‌یه‌كێ ب هێز هه‌بیت".
یانه‌یا ریال مه‌درید ڤى وه‌رزى ناسناڤێ لالیگایێ بده‌ستڤه‌ئینا و ل رۆژا 1ى خزیرانێ ل یاریگه‌ها وێمبلی ل له‌نده‌ن دێ یارییا فاینالا چامپیۆنز لیگا ئه‌ورۆپا ل گه‌ل بورۆسیا دۆرتمۆند كه‌ت.
