گاڤ

رێكخراوا ئوپێك ئه‌ڤرۆ سێشه‌مبییێ پێشبینیێن خۆ ل دۆر گه‌شه‌پێدانا داخوازییێ ل سه‌ر په‌ترۆلێ د سالێن 2024 و 2025 دا دوپاتكرن.

ل گۆره‌ى ئوپێك، ده‌لیڤه‌یه‌ك بۆ ئاسته‌كێ باشتر یێ ئابوورێ جیهانێ و ب شێوه‌یه‌كێ زێده‌تر ژ پێشبینییان د ئه‌ڤ ساله‌ دا هه‌یه‌.

ئوپێك د راپۆرتا خۆ یا هه‌یڤانه‌ دا دیاركریه‌؛ داخوازييا ل سه‌ر په‌ترۆلێ د ئه‌ڤ ساله‌ 2024 دا دێ زێده‌ بیت.

ل گۆره‌ى ئوپێك؛ د سالا 2024 دا داخوازییا ل سه‌ر په‌ترۆلێ دێ ب بڕێ 2.25 ملیۆن به‌رمیلان رۆژانه‌ زێده‌ بیت و د سالا 2025 دا دێ ب بڕێ 1.85 ملیۆن به‌رمیلان رۆژانه‌ زێده‌ بیت.

ئوپێك ئاماژه‌ ب وێ چه‌ندێ ژى كریه‌ "به‌رهه‌مئینانا په‌ترۆلێ د هه‌یڤا نیسانێ دا ب بڕێ 48 هزار به‌رمیلان كێمبوویه‌ و گه‌هشتییه‌ 26.58 ملیۆن به‌رمیلان رۆژانه"‌.

ب ڤان پێشبینییان، ئوپێك چ گوهۆڕین د پێشبینییێن خۆ یێن به‌رى هه‌یڤه‌كێ دا ل دۆر قه‌باره‌یێ داخوازییێ ل سه‌ر په‌ترۆلێ نه‌كرینه‌.