گاڤ

كۆمپانییا ئه‌پل ئه‌پدێتا نوى یا سیسته‌مێ كاركرنێ یێ ئایفۆنان iOS 17.5 به‌رده‌ستكر و ژماره‌یه‌كا گوهۆڕینێن باشتركرنێ تێدا هه‌نه‌.

پشتى بۆرینا دو هه‌یڤان ل سه‌ر به‌رده‌ستكرنا ئه‌پدێتا به‌رى نوكه‌ iOS 17.4، ئه‌پل ئه‌پدێتا نوى iOS 17.5 ب ژماره‌یه‌كا گوهۆڕینان ڤه‌ به‌رده‌ستكر.

ل گۆره‌ى مالپه‌رێ aitnews؛ ئه‌پل خزمه‌تگۆزارییا گه‌هشتنێ ب نووچه‌یان ل ده‌مێ نه‌بوونا ئه‌نترنێتێ د ئه‌پدێتا نوى iOS 17.5 دا به‌رده‌ستكریه‌.

دیار ژى كریه‌؛ د ئه‌پدێتا iOS 17.5 دا، چاره‌كرنا نێزیكى 15 بۆشاییێن ئێمناهییێ تێدا هه‌نه‌.

د ئه‌پدێتا نوى دا، بكارهینه‌رێن ئایفۆنێ ل وه‌لاتێن ئێكه‌تییا ئه‌ورۆپى دشێن ئه‌پلیكه‌یشنان ژ هنده‌ك جهێن دى ژى ژ ده‌رڤه‌ى ئه‌پ ستۆر و ب شێوه‌یه‌كێ ئێكسه‌ر ژ پێشڤه‌به‌رێن ئه‌پلیكه‌یشنان داونلۆد بكه‌ن، ئه‌ڤ چه‌نده‌ بۆ جارا ئێكێ یه‌ پشتى یاسایا بازارێن دیجیتال یا ئه‌ورۆپى ئه‌ڤ چه‌نده‌ ل سه‌ر ئه‌پل سه‌پاندى.