گاڤ

لێكۆلینه‌كا ساخله‌مییێ نوى ئاشكرا كریه‌؛ ئه‌و كه‌سێن ده‌رمانێ ب ناڤێ وێگۆڤى wegovy یێ دژى قه‌له‌ویێ خوارین، د ده‌مێ 4 سالان دا كێمبوونا كێشا له‌شى ل ده‌ف وان به‌رده‌وام بوو، زێده‌بارى ڤێ چه‌ندێ، وى ده‌رمانى كارتێكرنێن باش بۆ خۆپاراستنێ ژ نه‌خۆشییێن دلى ژى هه‌بووینه‌.

دو لێكۆلین ئه‌ڤرۆ سێشه‌مبییێ د Nature Medicine دا به‌لاڤبووینه‌ و تێدا پشتبه‌ستن ل سه‌ر داتایێن كۆمپانییا نوڤۆ نۆردێسك یا دروستكه‌ر بۆ ده‌رمانى كرینه‌.

ل گۆره‌ى وان لێكۆلینان "ئه‌و كه‌سێن ده‌رمانێ wegovy خوارین، مه‌ترسییا تووشبوونا وان ب جه‌لته‌یێن دلى و كێشه‌یێن دى یێن دلى و بۆریێن خوینێ ب رێژه‌یا 20% كێمبوویه"‌.

د ئێك ژ وان لێكۆلینان دا كو ل سه‌ر 17604 كه‌سان هاتبوو كرن دیاربوویه‌ "ئه‌و كه‌سێن بۆ ده‌مێ سێ سالان و چار هه‌یڤان ده‌رمانێ wegovy خوارین، بۆ ده‌مێ چار سالان كێمبوونا كێشا له‌شى ل ده‌ف وان به‌رده‌وام بوویه"‌.

پشكدارێن لێكۆلینێ وه‌ك تێكرا 10% ژ كێشا له‌شێ خۆ د ده‌مێ چار سالان دا كێمكرینه‌.