وهزارهتا خواندنا بلند یا ئیراقێ پشكنینا ماددهیێن هشبهر كره مهرجهكێ وهرگرتنێ
05/15/2024 - 12:35
بەلاڤ بکە
گاڤ
وهزارهتا خواندنا بلند و لێكۆلینێن زانستى یا ئیراقێ پشكنینا ماددهیێن هشبهر كره مهرجێ سهرهكى یێ وهرگرتنێ ل زانكۆیان.
حهیدهر عهبد، بریكارێ وهزارهتا خواندنا بلند و لێكۆلینێن زانستى د نڤێسارهكێ دا داخواز ژ قوتابیێن نوى دكهت دهما داخوازییا خۆ بۆ زانكۆیان بۆ سالا 2024 – 2025ێ پێشكێش دكهن ب سهلمینن دویرن ژ بكارئینانا ماددهیێن هشبهر و پشكنینێ بكهن.
د نڤێسارێ دا كو ل سهر ههموو زانكۆیان هاتییه بهلاڤكرن دیاركریه، دڤێت پشكنین ل سهر بنهما و رینمایێن شیرهتكارییا ئاساییشا نشتیمانى یا سهر ب ههوالگێرییا ئیراقێ ڤه بیت.
ههر ل گۆڕهیى نڤێسارێ دڤێت راپۆرتا نۆشدارى ژ ئالیێ تاقیگهههكا باوهرپێكرى ڤه بهێته سهلماندن كو ئهو قوتابى ماددهیێن هشبهر بكارنائینیت.
