وه‌زاره‌تا پلاندانانێ یا ئیراقێ به‌یانه‌ك ل دۆر كۆمبوونا شاندێ هه‌رێمێ و شاندێ حكومه‌تا فیدرالى به‌لاڤكر

بەلاڤ بکە

 

 

گاڤ

د كۆمبوونا شاندێ هه‌رێمێ و حكومه‌تا فیدرالى دا به‌حس ل پشكا هه‌رێما كوردستانێ د بودجه‌یا گشتى یا ئیراقێ یا سالا 2024 دا هاته‌ كرن.

ئه‌ڤرۆ محه‌مه‌د ته‌میم جێگرێ سه‌رۆكوه‌زیرێ ئیراقێ و وه‌زیرێ پلاندانانێ سه‌رپه‌رشتییا كۆمبوونا لژنه‌یا تایبه‌تمه‌ند ب پێداچوونا خشته‌یێن بودجه‌یا گشتى یا سالا 2024 كر.

هه‌ر ئێك ژ حه‌یان عه‌بدولغه‌نى جێگرێ سه‌رۆكوه‌زیرێ ئیراقێ و وه‌زیرێ په‌ترۆلێ، به‌نگین رێكانى وه‌زیرێ ئاكنجیبوونێ و ئاڤه‌دانكرنێ و باژێڕڤانییان، زیاد عه‌لى فازل وه‌زیرێ كاره‌بێ و عه‌مار سوبحى سه‌رۆكێ دیوانا چاڤدێرییا دارایى یا ئیراقێ و ژماره‌یه‌كا به‌رپرسێن ئیراقى د كۆمبوونێ دا به‌رهه‌ڤ ببوون، هه‌روه‌سا ژ لایێ حكومه‌تا هه‌رێما كوردستانێ ڤه‌، ئاوات شێخ جه‌ناب وه‌زیرێ دارایى و ئابوورى یێ هه‌رێمێ، ئومێد سه‌باح سه‌رۆكێ دیوانا جڤاتا وه‌زیرێن هه‌رێمێ و ژماره‌یه‌كا به‌رپرسان به‌رهه‌ڤ ببوون.

ل گۆره‌ى به‌یانه‌كا وه‌زاره‌تا پلاندانانێ یا ئیراقێ "د كۆمبوونه‌كێ دا، به‌حس ل میكانیزما ڤه‌گوهاستنان د پشكا هه‌رێما كوردستانێ د خشته‌یێن بودجه‌یێ دا و ب تایبه‌ت قه‌ره‌بۆیێن فه‌رمانبه‌ران و چاڤدێرییا جڤاكى هاته‌ كرن".

دیار ژى كریه‌ "هه‌روه‌سا به‌حس ل داهاتێ هه‌رێما كوردستانێ و میكانیزما راده‌ستكرنا وێ بۆ حكومه‌تا فیدرالى ل گۆره‌ى بڕیارا دادگه‌ها فیدرالى، یاسایا برێڤه‌برنا دارایى و یاسایا بودجه‌یا گشتى هاته‌ كرن".

پلاندانانا ئیراقێ دیار ژى دكه‌ت "د كۆمبوونێ دا به‌حسێ زێده‌كرنا داهاتان ژ بۆ كێمكرنا كورتئینانێ د بودجه‌یێ دا هاته‌ كرن".

 

زێدەتر دەربارەی