گاڤ

هاریكارێ وه‌زیرێ ده‌رڤه‌ یێ ئه‌مریكا بۆ ژێده‌رێن وزه‌یێ دێ سه‌ره‌دانا هه‌ولێرێ كه‌ت و هنارده‌كرنا په‌ترۆلا هه‌رێما كوردستانێ ب رێكا بۆرییا ئیراق – توركیا ل گه‌ل به‌رپرسێن هه‌رێمێ به‌حسكه‌ت.

وه‌زاره‌تا ده‌رڤه‌ یا ئه‌مریكا د به‌یانه‌كێ دا راگه‌هاند "جوفرى پایت هاریكارێ وه‌زیرێ ده‌رڤه‌ یێ ئه‌مریكا بۆ ژێده‌رێن وزه‌یێ پشتى سه‌ره‌دانا به‌غدا دێ سه‌ره‌دانا هه‌ولێرێ ژى كه‌ت و ل گه‌ل به‌رپرسێن بلند یێن هه‌رێما كوردستانێ كۆمبیت".

دیار ژى كریه‌ "هاریكارێ وه‌زیرێ ده‌رڤه‌ یێ ئه‌مریكا بۆ ژێده‌رێن وزه‌یێ د كۆمبوونێن ل گه‌ل به‌رپرسێن هه‌رێما كوردستانێ دا دێ به‌حس ل پرسا ده‌ستپێكرنا هنارده‌كرنا په‌ترۆلا هه‌رێما كوردستانێ ب رێكا بۆرییا په‌ترۆلێ یا ئیراق – توركیا كه‌ت".

پایت ئه‌ڤرۆ چارشه‌مبییێ ل به‌غدا ل گه‌ل محه‌مه‌د شیاع سوودانى سه‌رۆكوه‌زیرێ ئیراقێ كۆمببوو و ئه‌لینا رۆمانۆسكى بالیۆزا ئه‌مریكا ل ئیراقێ ژى د كۆمبوونێ دا به‌رهه‌ڤ ببوو.