گاڤ

جۆ بایدن سه‌رۆكێ ئه‌مریكا داخوازا ئه‌نجامدانا دو دێبه‌یتێن ته‌له‌ڤزیۆنى ژ دۆنالد ترامپ هه‌ڤڕكێ وى د هه‌لبژارتنێن سه‌رۆكاتییا ئه‌مریكا دا كر، د به‌رانبه‌ر دا، ترامپ رازى بوو و پێشنیاركر پتر ژ دو دێبه‌یتان بكه‌ن.

جۆ بایدن به‌ربژارێ پارتا دیمۆكراتى و دۆنالد ترامپ به‌ربژارێ پارتا كۆمارى دێ هه‌ڤڕكییێ د هه‌لبژارتنێن سه‌رۆكایه‌تییا ئه‌مریكا دا ل رۆژا 5/11/2024 كه‌ن.

ئاژانسان ئه‌ڤرۆ سێشه‌مبییێ به‌لاڤكرینه‌؛ جۆ بایدن به‌ربژارێ دیمۆكراتان پێشنیار كر ئه‌و و دۆنالد ترامپ به‌ربژارێ كۆمارییان ل هه‌یڤێن خزیرانێ و سێپته‌مبه‌رێ دو دێبه‌یتێن ته‌له‌ڤزیۆنى ئه‌نجامبده‌ن.

د به‌رانبه‌ر دا، ترامپى به‌رسڤا بایدنى دا و رازیبوونا خۆ ل سه‌ر ئه‌نجامدانا وان دو دێبه‌یتان ده‌ربڕى و پێشنیارا ئه‌نجامدانا پتر ژ دو دێبه‌یتان ژێ كر.

جۆ بایدن گۆت "دۆنالد ترامپ ل سالا 2020ێ د دو دێبه‌یتان دا ل گه‌ل من هاتبوو دۆڕاندن"، د به‌رانبه‌ر دا ترامپ دبێژیت "بایدن نه‌باشترین ئه‌نجامده‌رێ دێبه‌یتایه‌".