یانه‌یه‌كا فه‌ره‌نسى ئاسته‌نگان بۆ یانه‌یه‌كا ئسپانى دروستدكه‌ت؟

بەلاڤ بکە

 

گاڤ

یانه‌یا پاریس سانجێرمان یا فه‌ره‌نسى ئاسته‌نگان هه‌مبه‌رى گرێبه‌ستێن یانه‌یا بارسێلۆنا یا كه‌ته‌لۆنی د ڤه‌گۆهاستنێن هاڤینا داهاتى دا دروستدكه‌ت.

د حه‌فتییا بۆرى دا به‌حس ل په‌یوه‌ندیكرنا چاڤى سیمۆنز، یاریزانێ یانه‌یا فه‌ره‌نسى كو د نوكه ‌دا ب شێوه‌یێ خاستنێ یارییێ بۆ یانه‌یا ئه‌لمانى لایبزیگ دكه‌ت كو په‌یوه‌ندییێ ب یانه‌یا بارسێلۆنا بكه‌ت مه‌دیایێن كه‌ته‌لۆنی ب خۆڤه‌ مژویل كربوو.

یانه‌یا كه‌ته‌لۆنی كێشه‌یا دارایی هه‌یه‌ و ژبه‌ر خرابییا بارودۆخێ یانه‌یێ، هزر د هندێ دا كریه‌ سیمۆنز ب شێوه‌یێ خاستن ببه‌ته‌ رێزێن خۆ. 

رۆژنامەیا سپۆرت دیاردكه‌ت "كارگێریاpsg  ره‌تكرییه‌ د ڤه‌گۆهاستنا هاڤینێ دا ب خواستن ده‌ستبه‌ردارى یاریزانى بیت، به‌لكو ب ئێكجارى ده‌ستبه‌ردارى یاریزانى ببیت یان دگه‌ل وان بمینیت".

 

ئه‌ڤه‌ جارا ئێكێ نینه‌ پاریس سانجێرمان ئاسته‌نگان به‌رامبه‌رى گرێبه‌ستێن یانه‌یا بارسێلۆنا چێدكه‌ت، به‌رییا نها ژى هه‌ر ئێك ژ ئه‌دریان رابیۆ یێ فه‌ره‌نسی و تیاگۆ سێلڤا یێ به‌رازیلى و ماركۆ ڤیراتى یێ ئیتالى دڤیان بچنه‌ یانه‌یا بارسێلۆنا، به‌لێ كارگێرییا یانه‌یا فه‌ره‌نسى رازى نه‌بوو و چ ژ وان هه‌رسێكان په‌یوه‌ندى ب یانه‌یا بلوگرانایێ نه‌كرن. 

 

زێدەتر دەربارەی