"سه‌ره‌دانا سه‌رۆكێ ئیرانێ بۆ هه‌ولێرێ ل ئاست سه‌ره‌دانا سه‌رۆكێ توركیایه "
بەلاڤ بکە
گاڤ – تایبه‌ت
نوینه‌رێ حكومه‌تا هه‌رێما كوردستانێ ل ئیرانێ بۆ گاڤ راگه‌هاند، سه‌ره‌دانا سه‌رۆككۆمارێ ئیرانێ بۆ هه‌ولێرێ ل ئاست سه‌ره‌دانا سه‌رۆككۆمارێ توركیایه.
نازم ده‌باغ، نوینه‌رێ حكومه‌تا هه‌رێما كوردستانێ ل ئیرانێ بۆ گاڤ گۆت: سه‌ره‌دانا سه‌رۆككۆمارێ ئیرانێ، ئیبراهیم ره‌ئیسى، بۆ هه‌رێما كوردستانێ ژ روویێ سیاسى، ئابۆرى و ئێمناهیێ ڤه گه‌له‌ك گرنگه.
ده‌باغ ئاماژه ب سه‌ره‌دانا سه‌رۆككۆمارێ توركیا كر و هه‌ڤبه‌ركر و دیاركر، سه‌ره‌دانا سه‌رۆككۆمارێ ئیرانێ ل ئاست سه‌ره‌دانا سه‌رۆككۆمارێ توركیا، ره‌جه‌ب ته‌یب ئه‌درۆگانه.
ژێده‌ره‌كى ژ سه‌رۆكایه‌تییا كۆمارییا ئیرانێ بۆ راگه‌هاندنا ئیراقێ دیاركریه، دوماهییا ڤێ مه‌هێ یان ژى ده‌ستپێكا مه‌ها بهێت ئیبراهیم ره‌ئسى، سه‌رۆككۆمارێ ئیرانێ دێ سه‌را ئیراق و هه‌رێما كوردستانێ ده‌ت و ل گه‌ل مه‌زنه به‌رپرسێن ئیراق و هه‌رێما كوردستانێ دێ گرنگترین مژارێن سیاسى و ئابۆرى به‌حس كه‌ت.
نوینه‌رێ حكومه‌تا هه‌رێما كوردستانێ هه‌روه‌سا بۆ گاڤ ئاشكراكر، سه‌ره‌دانا سه‌رۆككۆمارێ ئیرانێ بۆ هه‌رێما كوردستانێ و هه‌ولیرێ گرنگه و دێ بیته ئێكه‌م سه‌ره‌دانا سه‌رۆككۆمارێ ئیرانێ بۆ هه‌رێما كوردستانێ.
رۆژا ئێكشه‌مبێ 5-5-2024ێ نێچیرڤان بارزانى، سه‌رۆكێ هه‌رێما كوردستانێ ب سه‌ره‌دانه‌كا فه‌رمى گه‌هشته ئیرانێ و ل گه‌ل هه‌ژماره‌كا به‌رپرسێن بلند ژ وان ژى عه‌لى خامنه‌یىن رابه‌رێ كۆمارا ئیسلامى یا ئیرانی، ئیبراهیم ره‌ئیسى، سه‌رۆككۆمار، حسێن ئه‌میر عه‌بدوللـه‌هییان، وه‌زیرێ ده‌رڤه یێ وى وه‌لاتى كۆمبوو.
