لێكۆلین ل گه‌ل كۆمپانییا مێتا ل ئه‌ورۆپا ده‌ستپێكرن

بەلاڤ بکە

 

گاڤ
ئێكه‌تییا ئه‌ورۆپى ده‌ست ب لێكۆلینان ل گه‌ل كۆمپانییا مێتا كریه‌ و پێدڤییه‌ مێتا بسه‌لمینیت كو ئه‌پلیكه‌یشنێن وێ ئالۆده‌بوونێ بۆ زارۆكان دروست ناكه‌ن.
كۆمیسیۆنا ئه‌ورۆپى ده‌ست ب رێكارێن فه‌رمى كریه‌ دا كو بهێته‌ زانین كا مێتا خۆدانا ئه‌پلیكه‌یشنێن فه‌یسبووك و ئینیستاگرامى یاسایا خزمه‌تگۆزاریێن دیجیتال یا ئه‌ورۆپى DSA بنپێكریه‌ یان نه‌.
پێدڤییه‌ مێتا بسه‌لمینیت كو تۆڕێن وێ وه‌كى فه‌یسبووك و ئینیستاگرامى ئالۆده‌بوونێ ل ده‌ف زارۆكان بۆ بكارئینانا ئالاڤێن سۆشیال میدیایێ په‌یدا ناكه‌ت، هه‌روه‌سا بسه‌لمینیت كو تایبه‌تمه‌ندییا زارۆكان د وان تۆڕان دا پاراستییه‌.
هه‌روه‌سا دێ رێكار ئاشكرا كه‌ن كا مێتا گاڤێن پێدڤى بۆ رێگرییێ ل زارۆكان ژ گه‌هشتنێ ب ناڤه‌رۆكا بابه‌تێن نه‌گونجاى كریه‌ یان نه‌.
یاسایا خزمه‌تگۆزاریێن دیجیتال یا ئه‌ورۆپى DSA ستاندارد بۆ پلاتفۆرمێن ئه‌نترنێتێ ئه‌وێن پشكدارێن وان یێن هه‌یڤانه‌ 45 ملیۆن كه‌س یان پترن ل ئێكه‌تییا ئه‌ورۆپى داناینه‌.


 
 

زێدەتر دەربارەی