سوبه‌هى دێ ده‌نگ لسه‌ر درێژكرنا ده‌مێ كۆمسیۆنا هه‌لبژارتنان هێته‌ دان

بەلاڤ بکە

 

گاڤ

بڕیاره‌ سوبه‌هى په‌ڕله‌مانێ ئیراقێ كۆم ببیت و ده‌نگ لسه‌ر درێژكرنا ده‌مێ كۆمسیۆنا بلندا سه‌ربخۆ یا هه‌لبژارتنێن ئیراقێ بۆ ده‌مێ 6 هه‌یڤێن دى بهێته‌ دان.

فه‌رمانگه‌ها راگه‌هاندنا په‌ڕله‌مانێ ئیراقێ خشته‌یێ روینشتنا سوبه‌هى رۆژا چارشه‌مبى به‌لاڤكر، ل گۆره‌ى خشته‌ى، دێ ده‌نگ لسه‌ر پێشنیازا راسته‌ڤه‌كرنا دووێ یا یاسایا كۆمسیۆنا هه‌لبژارتنان هێته‌ دان و ئه‌گه‌ر ده‌نگدان هاته‌ كرن، ماوه‌یێ كاركرنا جڤاتا كۆمسیاران دێ بۆ 6 هه‌یڤێن دى هێته‌ درێژكرن.

ئێك ژ ته‌وه‌رێن دى یێن كۆمبوونێ گرێداى پرۆژه‌ یاسایا ڤه‌گه‌ڕاندنا خودانه‌تییا مولكانه‌ بۆ خودان مولكان و ئه‌گه‌ر پرۆژه‌ یاسا بهێته‌ په‌سه‌ندكرن دێ كێشه‌یا مولكدارییا كوردێن خودان مولك ل ده‌ڤه‌رێ كوردستانى یێن ده‌رڤه‌ى هه‌رێمێ ب دویماهى هێت كو ب بڕیارێن رژیما به‌عس مولكێن وان هاتبوو ژێستاندن.

هه‌روه‌سا د روینشتنێ دا دێ خواندنا ئێكێ بۆ پێشنیاز یاسایا راستڤه‌كرنا یاسایا حه‌شدا شه‌عبى و پرۆژه‌ یاسایا راستڤه‌كرنا ئێكێ یا سازییا شه‌هیدان و خواندنا دووێ ژى بۆ پرۆژه‌ یاسایا سازییا هه‌والگرییا نیشتیمانى هێته‌ كرن.

 

زێدەتر دەربارەی