سوبەهی دێ یۆرۆیا 2024ێ دەستپێکەت

بەلاڤ بکە

گاڤ
یۆرۆیا سالا 2024ێ سۆبەهی دێ دەستپێکەت و د ئێکەم یاری دا هەلبژارتییێ ئەلمانیا کۆ مێهڤاندارا گەرا هەڤدێ یا یۆرۆیێ یە، دێ هەمبەری هەلبژارتییێ سکۆتلەندا بیت.
چاڤەرێییە سۆبەهی گەرا هەڤدێ یا یۆرۆیێ ل ئەلمانیا دەستپێبکەت، یاریا هەلبژارتییێ ئەلمانیا دەمژمێر 10ب دەمێ کوردستانێ ل یاریگەها ئەلیانز ئەرینا دێ هەمبەری هەلبژارتییێ سکۆتلەندا بیت.
د یۆرۆیا 2024ێ دا 24 هەلبژارتی پشکدارن و لسەر 6 گرۆپان هاتینە دابەشکرن، هەلبژارتییێن ل رێزا ئێکێ و دو دهێن دێ ژ قۆناغا گروپان دەرباز بن د گەل 4 هەلبژارتییێن دی یێن کو ب باشترین رێزا سێێ دهێنە نیاسین د گرۆپێن خو دا.
ب هێزترین گرۆپ گرۆپێن 2 و 4 ژ گرۆپێ 2 ئیتالیا و ئسپانیا و کرواتیا کو ب هێزترین گرۆپە، دێ هەڤرکیا سەرێ لیستێ کەن و ژ گرۆپێ 4 ژی هۆلەندا و فرەنسا.
قارەمانی دێ ل ناڤا 10 یاریگەهێن جودا یێن وەلاتێ ئەلمانیا هێنە ب رێڤەبرن، یا کو ژ هەمیان مەزنتر یاریگەها بەرلین یا ئۆلۆمپی کو بریارە ل 14 مەها تەباخێ یاریا فینالێ لێ بهێتە کرن یە کو 71 هزار پشتەڤان تێدا بەرهەڤدبن.
هەلبژارتییێن پترین یۆرۆ ب دەست خۆ ڤە ئینان ژی هەلبژارتییێن ئەلمانیا و ئسپانیا نە کو هەر ئێک ژ وان خودان  3ناسناڤایە ل دیڤ دا ئیتالیا و فرەنسا دهێن کو هەر ئێک ژ وان ژی 2 جاران ناسناڤ ب دەست خو ڤە ئینایە.
 

زێدەتر دەربارەی