پشتى 3 رۆژان ژ خه‌ندقینێ جه‌نازه‌یێ  زه‌لامێ 73 سالى هاته‌ دیتن

بەلاڤ بکە

گاڤ
په‌یامنیرێ گاڤ ل زاخۆ مێهڤان مه‌جید ژ زارێ رێڤه‌به‌رێ به‌رگرییا شارستانى یا زاخۆ (جه‌مال هه‌سن) دازانین، ئه‌ڤرۆ جه‌نازیێ وى زه‌لامێ 73 سالى یێ به‌رى 3 رۆژان به‌رزه‌بووى كو گومان هه‌بوو خه‌ندقی بیت، ژ لایێ تیمێن نقۆڤانان ڤه‌، ل چه‌ممشكۆ ل نێزیك گوندێ (دورنه‌خێ) د خابیرى دا هاته‌ دیتن و ده‌رخستن. 
ژلایێ خۆڤه‌ رێڤه‌به‌رییا پۆلیسێن زاخۆ راگه‌هاند، ئه‌ڤرۆ ده‌مژمێر (٦)ی ئێڤاری ته‌رمێ کەسەکێ (٧٣) سالی بناڤێ (ح،م،س) ئاکنجیێ زاخۆ د رویبارێ خابیری دا ل نێزیک گوندێ (دورنەخێ) هاتە دیتن، ئێکسەر تیمێن پۆلیسێن بەشێ هەوارهاتنی ل جهێ رویدانێ ئامادەبوون و ته‌رمێ وى هاتە هنارتن بۆ نوشدارییا داد ل زاخو .
دا زانین ژى،  ب بڕیارا دادوەری دوزەک لدویڤ بەندێ (٣٤٩ ی.س) ل بنگەهێ پۆلیسێن نەخوشخانێ هاتیە ڤەکرن و ڤەکۆلینێ ژ لایێ وانڤه‌ دەستپێکرییە د ڤێ کەیسی دا.

زێدەتر دەربارەی