گاڤ

وه‌زاره‌تا ئه‌وقافا هه‌رێما كوردستانێ د راگه‌هاندنه‌كێ دا به‌لاڤكر، وان په‌یوه‌ندى ب كونسۆلێ ئیراقێ ل سعوودیێ كرییه‌ بۆ دویڤچوون و زانینا چاره‌نڤیسێ حه‌جیێن هه‌رێما كوردستانێ یێن ل سعودیێ بێسه‌روشوینبووین و تا نها چ ژێ ناهێته‌ زانین.

وه‌زاره‌تا ئه‌وقاف و كاروبارێن ئۆلى یا هه‌رێما كوردستانێ دیار كر، ب رێكا رێڤه‌به‌رییا گشتى یا حه‌ج و عومره‌یا كوردستانێ، رێككه‌فتنه‌ك هاتییه‌ كرن دگه‌ل كونسۆلێ ئیراقێ ل سعودیێ، بۆ دیتن و لێگه‌ڕیانا وان وه‌لاتیێن هه‌رێما كوردستانێ یێن ل سعودیێ به‌رزه‌بووین یان گیانێ خۆ ژ ده‌ستیداین.

د راگه‌هاندنا وه‌زاره‌تا ئه‌وقافێ دا هاتییه‌، هه‌ر كه‌سێ مرۆڤه‌كێ وى ل سعوودێ مربیت یان به‌رزه‌ بووبیت،‌ په‌یوه‌ندیێ ب رێڤه‌به‌رییا حه‌ج و عومره‌یێ بكه‌ت داكو پرسیارا وى بهێته‌ كرن.