هژماره‌كا ئاسانسۆرێن خه‌ستا ئازادى ژ كار كه‌ڤتینه‌

بەلاڤ بکە

گاڤ

ل گۆره‌ى گرته‌ ڤیدیۆیه‌كا بۆ گاڤ هاتییه‌ هنارتن، ئاسانسۆرێن لایێ چه‌پێ یێن خه‌ستا ئازادى ژ كاركه‌ڤتینه‌ و وه‌لاتى نه‌چار دبن ب رێكا ده‌ره‌جكان بۆ قاتێن بلند سه‌ربكه‌ڤن.

نه‌خۆشخانه‌یا ئازادى  كو تا نها مه‌زنترین نه‌خۆشخانه‌یا پارێزگه‌ها دهۆكێ یه‌ ل سالا 1984ێ ژ لایێ كۆمپانییا (ماروبينی) یا یابانى لسه‌ر 45 هزار میترێن چارگۆشه‌ هاتییه‌ ئاڤاكرن، ژ 8 قاتان پێك دهێت و رۆژانه‌ نێزیكى هزار نه‌خۆشان سه‌ره‌دانا وێ دكه‌ن.

ل گۆره‌ى ڤێ پارچه‌ ڤیدیۆیێ كو وه‌لاتییه‌كى ژ ناڤا خه‌ستا ئازادى بۆ گاڤ هنارتییه‌، تێدا دیار دكه‌ت، ژ سه‌رجه‌مێ 3 ئاسانسۆرێن لایێ چه‌پێ یێن خه‌ستێ، تنێ ئێك كار دكه‌ت، ئاسانسۆرا لایێ راستێ ژى هه‌ر چه‌نده‌ كار دكه‌ت لێ بێسه‌روبه‌ر بوویه‌.

 دیار دكه‌ت ژى، پترییا كه‌سێن دگه‌ل نه‌خۆشێن خۆ و گه‌له‌ك جاران نه‌خۆش ژى نه‌چارن ب رێكا ده‌ره‌جكان هاتنوچوونێ بۆ قاتێن بلند بكه‌ن.

زێدەتر دەربارەی